मंगलबार, असोज १३ २०७७ | Tue, September 29, 2020
नेपालको समय: १४:०७ | UK Time: 09:22

थापाले खोले केयर कम्पनी

वीनेपाली
२०७२ भदौ १९ गते १:३४

OLYMPUS DIGITAL CAMERAलन्डन । साउथ इष्ट लन्डनका एकजना परिचित व्यवसायी फत्त थापाले केयर कम्पनी शुरु गरेका छन् ।

थापाले वृद्धवृद्धाको हेरचाहका लागि होम इन्सटेड सिनियर केयर नामक कम्पनी सञ्चालन गरेका हुन् । उक्त केयर कम्पनीले ग्रीनवीच, बेक्स्ली र वरपरको क्षेत्र हेर्ने जनाइएको छ । कम्पनीले कम्तीमा ५० जना स्थानीयलाई रोजगारी दिने लक्ष्य लिएको छ । तालिम समेत उपलव्ध गराउने जनाउंदै कम्पनीले समूहमा रहेर काम गर्न इच्छुकलाई आवेदन दिन पनि भनेको छ ।

‘हाम्रो उद्देश्य केयर सर्भिस दिने मात्र होइन, वृद्धवृद्धालाई आफ्नोपनको आभास र न्यानोपन दिलाउनु पनि हो’, थापा भन्छन् ।
‘स्किल्स् एण्ड केयर’ नामक संस्थाका तर्फबाट गरेको सामुदायिक सेवाका लागि केही समयअघिमात्र सिभिक अवार्ड प्राप्त गरेका थापाले उक्त संस्थामार्फत रोयल बरो अफ ग्रीनवीचका नेपालीको हकहितका लागि अनुकरणीय काम गरेका छन् । विशेषगरि भूपू गोर्खा र तिनका परिवारलाई आर्थिक सहयोग जुटाउन पहल देखि स साना वालवालिकालाई नेपाली भाषा कक्षा र संगीत प्रशिक्षण दिलाउन पनि उनको भूमिका उल्लेख्य छ ।

‘आफ्नै परिवार भएको नाता र मेरो केयरिङ अनुभवले मलाई थाहा छ गुणस्तरिय केयर सेवा कति महत्वपूर्ण छ’, थापा भन्छन्, ‘हाम्रो कम्पनीको अर्को उद्देश्यमा गुणस्तरिय सेवा प्रदान जस्तैः खाना बनाउने, हाउस किपिङ, डिस्चार्जपछि रेखदेख, व्यक्तिगत हेरचाह, औषधि सेवन र किनमेलमा सहयोग आदि समेत छन् ।’

२० वर्षअघि सूचना प्रविधि विषयमा स्नातकोत्तर गर्न बेलायत प्रवेश गरेका थापा केही वर्ष ग्रीनवीच कलेज र उलवीचमा स्थापित आफ्नै कलेज म्यारिटाइम ग्रीनवीचमा प्राध्यापनमा समेत संलग्न भए । हाल उनी श्रीमति सोनिया र तीनजना सन्तानका साथ साउथ इष्टमा बसोवास गर्छन् ।

प्रतिक्रिया

सम्बन्धित सामाग्री

फेसबुक