लन्डन । लन्डन वेम्ली निवासी आशिष घले र नवीन गुरुङले गत अगष्ट २९ तारिख आयोजित एक सय किमी अल्ट्रा म्याराथनमा दौडेर ५ सय पाउण्ड संकलन गरेका छन् ।
लन्डन ह्याक्नीबाट शुरु भएको म्याराथन क्याम्ब्रीज विश्वविद्यालय प्रांगणमा पुगी समापन भएको थियो । उनीहरुलाई त्यो म्याराथन सक्न करिब १६ घण्टा लागेको थियो । आशिषका पिता महेश घलेले आफ्नो सुपुत्र नै बेलायतमा सय अल्ट्रा म्याराथनमा सहभागी हुने पहिलो नेपाली भएको दावी गरे । छोराले सामाजिक कार्यमा समय दिएकामा आफू एकदम हर्षित भएको अनुभव उनले सांटे ।
उक्त च्यारिटी म्याराथनमा करिब ११ सय जनाले सहभागिता जनाएका थिए ।
एक्सन च्यालेन्जले आयोजना गरेको उक्त दौडबाट संकलित रकम एडोनब्रूक अस्पताल सहयोगार्थ रहेको जनाइएको छ ।
सेवा नै धर्म हो भन्ने उक्तिलाई मनन गर्दै
अस्पतालको सहयोगका लागि भएकाले आंफूले भाग लिएको आशिषले जनाए ।
नेपालमा आम नागरिक न्यूनतम स्वस्थ्य सेवाबाट वञ्चित भएर अकालमा ज्यान गुमाएको देख्दा नरमाइलो लागेर नै आफूलाई यस म्याराथनमा भाग लिने उत्प्रेरणा मिलेको आशिष बताउंछन् ।
मौका मिले नेपालको स्वास्थ्य क्षेत्रमा सहयोग गर्ने आशिषको योजनाको छ ।
