एकता फाउण्डेशनले भूकम्प पीडितलाई सहयोग गर्ने

लन्डन । बेलायतको एउटा च्यारिटी संस्था एकता फाउण्डेशन यूकेले पदयात्रामार्फत संकलित रकम नेपालका भूकम्प पीडितलाई दिने भएको छ ।

फाउण्डेशनले आगामी ६ सेप्टेम्बर, आइतबार बिहान रोक्सेथ रिक्रियसन ग्राउण्ड, साउथ ह्यारोमा भेला भइ पदयात्रा गर्ने भएको हो । फाउण्डेशनले नेपाली समुदायलाई समेत उक्त च्यारिटी कार्यक्रममा सहभागिता जनाइदिन अपिल गरेको छ ।

१० देखि १ बजेसम्म हुने उक्त कार्यक्रमका अवसरमा योगा सेसन समेत सञ्चालन गरिने फाउण्डेशनले जनाएको छ । च्यारिटीमा सहभागी हुन वयस्क र ७ वर्षमाथिकाको लागि दश पाउण्ड तथा तीन देखि ७ वर्षसम्मकालाई ५ शुल्क तोकिएको छ जसमा स्न्याक्स् उपलव्ध गराइनेछ ।