लन्डन । आगामी १३ सेप्टेम्बरमा हुने गैर आवासीय नेपाली संघ, बेलायत (एनआरएनए यूके) को निर्वाचनमा विभिन्न पदका उम्मेदबारहरुले आज सनिबार आ आफ्नो उमेद्म्बारी मनोनयन दर्ता गराउनु पर्नेछ ।
निर्वाचन समितिले उम्मेदवार बन्न चाहनेलाई शनिवार लन्डनस्थित निर्वाचन समितिको कार्यालय एक्टनमा आवेदनसहित सम्पर्क गर्न अनुरोध गरेको छ ।
निर्वाचन समितिका संयोजक डा राघवप्रसाद धिताल (ओबिइ) द्धारा प्रेषित सूचनामा उम्मेदवार बन्न इच्छुक एनआरएनए यूके सदस्यहरुले एनआरएनए आइसीसी र एनआरएनए यूकेको विधान, विनियम तथा निर्वाचन सम्बन्धि आचार संहितामा तोकिए अनुसार सम्बन्धित कागजात तथा शुल्क सहित उपस्थितिका लागि अनुरोध छ ।
यसघि समितिले अन्तिम मतदाता संख्या ३ हजार ४ सय ६२ टुंगो लागेको थियो । रित नपुगेका ७ सय ८९ सदस्यता भने निर्वाचन समितिले बदर गरिदिएको छ । निर्वाचन समितिले कुल ४ हजार २ सय ५१ मत प्राप्त गरेको थियो ।
बैंकिङ तथा अन्य कारणले छानवीनमा थाती राखिएका ९ सय ५१ र रित पूर्वक प्राप्त नभएका ३ सय ९८ सदस्यता मध्येबाट छानवीन गरि पछि प्रमाण जुटेका सदस्यतालाई मान्यता दिइएको निर्वाचन समितिले जनाएको छ ।
‘हामीले सम्बन्धित सदस्यहरुलाई इमेल, फोन र अन्य माध्यमबाट सम्पर्क गरि प्रमाण माग्यौं र शुक्रबार ६ बजेसम्ममा अन्तिम टुंगो लगाइयो’, निर्वाचन समितिका सदस्य सचिव रामशरण सिम्खडाले वीनेपालीलाई भने, ‘पटक्कै प्रक्रिया नपुगेका सदस्यता बदर गरिएको छ । नयां कार्यसमितिले भविष्यमा उहांहरुलाई सदस्यता दिन सक्छ तर अहिलेको निर्वाचनमा भाग लिन वञ्चित हुनुपर्नेछ ।’
उम्मेदवारी शुल्क यस्तो छः
