लण्डन । एनअारएनए युकेको अासन्न निर्वाचनमा मतदाता नामावली माथि दाबी विरोध गर्ने समय तीनदिन थप गरिएको छ ।

निर्वाचन समितिका सदस्यसचिव रामशरण सिंखडाका अनुसार अधिकतम अावेदकहरू मतदानबाट वन्चित नहुन् भन्ने हेतुले म्याद बढाइएको हो ।

यसअघि निर्वाचन समितिले  मतदाता नामावलीमा दाबी विरोधका लागि २५ अगष्टसम्म म्याद दिएको थियो तर सो सूचनालाइ संसोधन गर्दै समितिले २८ अगष्ट दिउँसो ३ बजेसम्म म्याद थप गरेको छ ।

निर्वाचन समितले जारी गरेको मतदाता नामावलीमा २ हजार ८६३ जनाको निवेदन सदर भएको बताइएको छ भने ३९८ जनाको निवेदन रितपूर्वक नअाएकाले बदर गरिएको छ । बैँकिङ र अन्य काजगात नपुगेको भन्दै समितिले ९५१ जनाको निवेदन छानविन गरिँदै गरेको जनाएको छ ।

समितिले [email protected] मार्फत दाबी विरोध गर्न सकिने जनाएको छ । इमेल पहुँच नभएकाहरूले कसरी दाबी विरोध गर्ने भन्ने सूचनामा केही उल्लेख छैन ।