हवाई आक्रमणमा २९ सर्वसाधारण मारिए

साना ,४ भदौ । यमनको ताइज सहरमा गएराति रातभर भएको हवाई आक्रमणमा २९ सर्वसाधारणको मृत्यु भएको समाचार छ ।

यमनी सिया हुथी विद्रोहीलाई लक्ष्यगरी साउदी अरेबियासँगआवद्ध यस हवाई आक्रमण अजानबस आवासिय क्षेत्रमा भएको हो र त्यसमा परी २९ सर्वसाधारण मारिएका अधिकारीहरुले शुक्रबार जानकारी दिएका छन् ।

यमनमा विरोधी पार्टीहरुबीच भएको झडपमा परी २३ सर्वसाधारणको मृत्यु भएको घटनापछि पुनः २९ सर्वसाधारण मारिएका जनाइएको छ । यस झडपमा १४ जना बालबालिकासहित २३ जनाको मृत्यु भएको थियो ।

सलाहको छिमेकमा पर्ने यस इलाकामा भएको हवाई आक्रमणमा कयौँ भवन ध्वस्त भएको अधिकारीहरुले जानकारी दिएका छन् ।

चिकित्सक र प्रत्यक्षदर्शीहरुका अनुसार मारिएका ती सर्वसाधारणमा प्रायः जसो महिला र बालबालिका रहेका छन् ।
यस आक्रमणमा ४० भन्दा बढी व्यक्ति घाइते भएका छन । भग्नावशेषमा जीवितै व्यक्तिहरु पनि रहेको अनुमानका आधारमा उद्वारकर्ताहरुले उद्धार कार्य जारी राखेको बताइएको छ ।

यमनका निर्वासित राष्ट्रपति अब्द राब्बो मन्सुर हादीको अनुरोधमा साउदी अरेबियाले हुथी विद्रोहीलाई लक्ष्यगरी हवाई आक्रमण सुरु गरेको थियो ।

ताइज सहर यमनको तेस्रो ठूलो सहरको रुपमा रहेको छ । यो सहर सानाको राजधानी सानाबाट २५६ किलोमिटर दक्षिणमा रहेको जनाइएको छ ।