बिहीबार, असोज १५ २०७७ | Thu, October 01, 2020
नेपालको समय: ०४:२९ | UK Time: 23:44

बन्दै बन्दले सुदूरका सात जिल्लामा उपभोग्य सामानको अभाव

वीनेपाली
२०७२ भदौ ३ गते १२:३२

1440056720777_PJ-Brt-Closed

‘बन्द’ सधैंका लागि बन्द गरौं मूल नाराका साथ विभिन्न सङ्गठनद्वारा विराटनगरमा संयुक्तरुपमा निकालिएको बृहद सद्भाव रयाली । संयुक्त मधेशी मोर्चाले गरेको अनिश्चितकालीन बन्दको मारमा परेका व्यापारी, मजदुर, यातायातलगायतका सङ्गठनका प्रतिनिधिका साथै सर्वसाधारणको सहभागिता रहेको छ । तस्बिर ः प्रभाषचन्द्र झा, विराटनगर, रासस

बाजुरा, ३ भदौ । बन्दै बन्दले यस क्षेत्रका सात पहाडी जिल्लामा यातायात सञ्चालन हुन नसक्दा दैनिक उपभोग्य सामान रित्तिएको छ । यसले व्यापारी र सर्वसाधारण मारमा परेका छन् ।

नियमितको बन्दले गर्दा बाजुरा, अछाम, बझाङ, डोटीलगायतका जिल्लाका बजारमा व्यापार गरिरहेका व्यापारीहरुले सामान ढुवानी गर्न नपाउँदा समस्या झेल्नु परेको बाजुराको व्यापारिक केन्द्र मार्तडीका व्यापारी हस्तबहादुर मल्लले बताउनुभयो ।

मल्लले भन्नुभयो – “हामीले असारदेखि सामान ढुवानी गर्न सकेका छैनौँ । वर्षात्ले बाटो बिगा¥यो । पछिल्ला दिनहरुमा नियमित आपूर्ति नै बन्द भयो ।” बाजुरा जिल्लामा धनगढी, नेपालगन्ज, काठमाडौँलगायतका स्थानबाट सामग्री ढुवानी गर्नुपर्ने हुन्छ ।

वर्षात्का लागि गोदाममा जम्मा गरिराखेको सामानसमेत सकिएर रित्तिएको र ग्राहकलाई सामान छैन भनेर फर्काउन परेको व्यापारीहरु बताउँछन् । “अब बाटो खुलिहाल्ला भनेर त्यहीअनुसारको सामानको जोहो गरेका थियौँ, अब यसरी नियमित बन्द हुने हो भने ठूलो समस्या हुन्छ,” आरके इन्टरप्राइजेजका सञ्चालक रमेश खड्काले भन्नुभयो ।

साउन २० गतेदेखि सुदूरपश्चिमको मूलढोकामा रहेको धनगढी बजार फरक फरक गठबन्धनले फरक फरक उद्देश्यका साथ बन्द गरेका छन् । त्यो बन्दका कारण यहाँका पहाडी सात जिल्लाका जनताले ठूलो समस्या झेल्नुपरेको छ ।

बन्दले गर्दा धनगढी, नेपालगन्ज, पोखरा, काठमाडौँलगायत ठाउँमा जाने मानिस बाजुराको मार्तडी, तिपाडा, बेतालमान्डौँ र अछामको साँफेबगरमा अलपत्र भएर रोकिएका छन् । त्यस्तै दैनिक उपभोग्य सामान दाल, चामललगायतका दैनिक उपभोग्य सामान धनगढीतिरै रोकिएको व्यापारीले बताएका छन् ।

प्रतिक्रिया

सम्बन्धित सामाग्री

फेसबुक