शुक्रबार, असोज ९ २०७७ | Fri, September 25, 2020
नेपालको समय: ११:४५ | UK Time: 07:00

डिभी र पिआरमा कडाइ गरेपछि जागिर छाड्नेको सङ्ख्या बढ्यो

वीनेपाली
२०७२ साउन २८ गते १:०३
POST PHOTO/KIRAN PANDAY/KANTIPUR

सामान्य प्रशासनमन्त्री लालबाबु पण्डित

 

काठमाडौँ, २७ साउन । सामान्य प्रशासनमन्त्री लालबाबु पण्डितले डिभी र पिआरमा कडाइ गरेपछि निजामती क्षेत्र छाड्नेको सङ्ख्या बढेको बताएका छन् ।

संवाद क्लबले आज यहाँ आयोजना गरेको साक्षात्कारमा मन्त्री पण्डितले निजामती ऐनको चौँथो संशोधन पारित भएपछि आफ्नो मातृभूमि छाड्ने कर्मचारी लाइन लाग्न थालेको उल्लेख गरे ।
उनले भने, “निजामती क्षेत्रका उच्च पदस्थ कर्मचारी, नेपाल प्रहरीलगायत कर्मचारीले रातारात आफ्नो जागिर छाडेर भाग्दै छन्, नेपालमा डिभी र पिआर हुनेको सङ्ख्या १० हजारभन्दा बढी छ ।”

उनले आगामी १० वर्षभित्र कामका लागि कुनै पनि नेपाली विदेशिनु नपर्ने वातावरण सिर्जना गर्न श्रम ऐन संशोधनको तयारीमा लागेको बताए ।

मन्त्री पण्डितले अबको १५, २० दिनमा सङ्घीय लोकतान्त्रिक संविधान जारी हुने बताउँदै मुलुकले फड्को मार्न लागेको बेलामा अलिअलि द्वन्द्व हुनु स्वभाविक भएको विचार व्यक्त गरे ।

प्रतिक्रिया

सम्बन्धित सामाग्री

फेसबुक