मंगलबार, कार्तिक ४ २०७७ | Tue, October 20, 2020
नेपालको समय: ०२:४३ | UK Time: 21:58

आज नेपथ्य भेट्ने जोग

वीनेपाली
२०७२ साउन २३ गते १६:५५

11800488_10152604637823078_3191791679496897616_n

लन्डन । नेपालको सर्वाधिक लोकप्रिय ब्याण्ड नेपथ्यको कन्सर्ट हुन अब तीन घण्टा जति बांकी रहंदा दर्शकहरु ‘ओ टु ब्रिक्सटन’ पुगिसकेका छन् । कन्सर्ट आयोजना र संयोजन गरिरहेको ‘इलाइट इभेन्ट्स्’ का एक जना सदस्य एलबीजेड गुरुङले कन्सर्ट हेर्न रेडिङ, फार्नबोरो, टिडवर्थ, अल्डरसट, अक्सफोर्ड, प्लमस्टिड आदि शहरबाट नेपाली ब्रिक्सटन पुगिसकेको टेलिफोनमार्फत जनाए । ‘रेल स्टेशनदेखि हलसम्म नेपालीहरुकै चहलपहल देखिन्छ’, उनले उत्साहित हुंदै भने, ‘हामीलाई आशा छ मौसम र दर्शकहरुको साथले नेपथ्यको आजको दोश्रो शो पनि ऐतिहासिक हुनेछ ।’

नेपथ्य गायक अमृत गुरुङ (तस्विरमा) ले बेलायतवासी सबै दर्शकलाई ओ टु ब्रिक्सटनमा भेट्ने वाचा गरेका छन् । ‘बेलायतका नेपालीहरुबाट पहिलेकै जस्तो अत्यधिक माया पाउने विश्वास लिएको छु,’ अमृतले भनेका छन्, ‘हामी फेरि एकपटक पहिले जस्तै एकाकार भएर गाउनेछौं । तपाईंहरु पनि आउनुस है ।’

नेपथ्यलाई यसपटक पनि करिब दुई वर्षअघि वेम्ली ऐरिना जस्तै ऐतिहासिक शो गर्न चुनौती छ ।

दसौं अल्बमको रेकर्डिङ सकेर गत बुधबार लन्डन आइपुगेको नेपथ्यले नेपाल र बेलायतबीच दौत्य सम्वन्ध स्थापनाको दुई सयऔं वार्षिकोत्सवमा समर्पित गीतसहित चारवटा नयां गीत गाउने आयोजकले जनाएका छन् । उसले आफ्ना दर्जनौं लोकप्रिय पुराना गीत समेत प्रस्तुत गर्ने कार्यक्रम छ ।

१० जना सदस्यसहित यूके आएको नेपथ्यमा गायक अमृतलाई सँधैझैँ उनका साथीहरु ड्रममा ध्रुव लामा, किबोर्डमा सुरज थापा, बेस गितारमा सुविन शाक्य, गितारमा निरज गुरुङ र मादलमा शान्ति रायमाझीले सघाउने छन् ।

कन्सर्ट ८ बजेबाट शुरु हुने आयोजकले जनाएका छन् ।

प्रतिक्रिया

सम्बन्धित सामाग्री

फेसबुक