टेपलिज नयाँ अमेरिकी राजदूत

काठमाडौँ, २१ साउन । अमेरिकी सिनेटले नेपालका लागि आफ्नो राजदूतमा वरिष्ठ कूटनीतिज्ञ एलियानिया बी टेपलिजलाई अनुमोदन गरेको छ ।

सिनेटको बुधबारको बैठकले उनलाई नेपालका लागि नयाँ राजदूतमा अनुमोदन गरेको अमेरिकी विदेश मन्त्रालयले आज जनाएको छ ।

चौबीस वर्षअघि कूटनीतिक सेवा प्रवेश गरेकी उनले जर्जटाउन विश्वविद्यालयबाट स्नातकोपाधि हासिल गरेकी छिन् । सिनेटबाट राजदूतमा अनुमोदित टेपलिजले बङ्गलादेश, अफगानिस्तान, बेल्जियम, अष्ट्रेलिया र अल्वानियामा सेवा गरिसकेकी छिन् ।

नेपालका लागि अमेरिकी राजदूत पिटर डब्लु बोडी नेपालमा आफ्नो कार्यकाल पूरा गरी चाँडै सेवा निवृत्त हुँदैछन् ।