काठमाडौँ, १२ साउन । नेकपा (एमाले) का नेता एवम् पूर्व प्रधानमन्त्री माधवकुमार नेपालको स्वास्थ्य अवस्था सामान्य बन्दै गएको छ ।उच्च रक्तचापका कारण टाउको दुखेपछि उनलाई अघिल्लो दिन वीर अस्पतालमा भर्ना गरिएको थियो ।डा गणेश गुरुङ, डा भूपेन्द्र बस्नेतलगायतको समूहले उनको उपचार गरिरहेको छ भने रगतलगायत आवश्यक अन्य परीक्षण पनि गरिएको छ । उनको स्वास्थ्यमा सुधार हुँदै गए चिकित्सकको सल्लाहमा चाँडै घर फर्किने सहयोगी मोहन गौतमले जानकारी दिए ।
यसैबीच, पार्टीका उपमहासचिव विष्णु पौडेल उनको स्वास्थ्य अवस्था बुझ्न आज मंगलबार अस्पताल पुगेका थिए ।
