बेलायतमा सुन्दरी अभाव, अगष्ट ८ सम्म म्याद बढाइयो

लन्डन । पांचौं मिस यूके नेपाल २०१५ मा प्रतिष्पर्धा गर्न पर्याप्त सुन्दरी नपाइएपछि आयोजकले फेरि सहभागिताका लागि आव्हान गरेका छन् । गत शनिवार भएको अडिसनमा दुई जनामात्र सहभागी भएपछि आयोजक इभेन्ट एण्ड आइडियाजले अगष्ट ८ सम्म म्याद थपेर सहभागिताका लागि अनुरोध गरेको हो ।

आयोजक इभेन्ट एण्ड आइडियाजकी निर्देशक शान्ति गुरुङले इच्छुक युवतीहरुलाई सम्पर्क गर्न र अभिभावकलाई पनि प्रेरित गर्न अपिल गरेकी छिन् । ‘एक्सपोज हुने यो एउटा राम्रो अवसर हो’, गुरुङले भनिन्, ‘आफ्ना सन्तानलाई प्रेरित गरिदिन अभिभावकलाई मेरो आग्रह छ ।’

प्रतियोगितामा सहभागिता जनाउन इच्छुकलाई निम्न इमेल वा फोन नम्बरमार्फत सम्पर्क गर्न आयोजकको अनुरोध छ ।

इमेल ठेगाना [email protected]

Mobile no. 07578365566 or Miss UK Nepal Facebook page

सन् २०१० देखि शुरु मिस यूके नेपाल प्रतिष्पर्धी अभावकै कारण सन् २०१३ मा स्थगित गर्नुपरेको थियो । अध्ययन, जागिरले समय अभाव र भौगोलिक अवस्था पनि प्रतियोगी खडेरी हुने कारक रहेको अनुभव आयोजकसंग छ ।

आगामी ५ सेप्टेम्बर सांझ प्रिन्सेस हल, अल्डरसटमा फिनाले हुने तय भएपनि सुन्दरीको सहभागिताले प्रतियोगिता हुने नहुने निर्धारण गर्ने आयोजकले जनाएका छन् ।

यसअघिका प्रतियोगिताले क्रमशः नवीना गुरुङ, गौमाया गुरुङ, दुर्गा गुरुङ र निया देवानलाई मिस यूके नेपालको उपाधि दिलाइसकेको छ ।