बुधबार, असोज ७ २०७७ | Wed, September 23, 2020
नेपालको समय: ०९:०२ | UK Time: 04:17

थापा एक्लैले गरिदिए १३ हजार किलो राहत सामाग्रीको निशुल्क कार्गो

वीनेपाली
२०७२ वैशाख ३० गते १२:४६
11160664_10202785725004003_5933890703929992153_n

कार्गोको तयारीमा थापा (सबैभन्दा दायां)

 

लन्डन । लन्डन ग्रीनफोर्डस्थित एक किराना पसल व्यवसायीले भूकम्प पीडितका लागि संकलित १३ हजार किलो राहत सामाग्री निशुल्क कार्गो गरि नेपाल पठाइदिएका छन् । ग्रीनफोर्डस्थित काठमाण्डौं कर्नरका सञ्चालक सुनिल थापाले विभिन्न संस्था र दाताबाट संकलित १३ हजार किलो राहत सामाग्री कार्गोमार्फत नेपाल पठाउन प्रवन्ध गरिदिएका हुन् । पठाइएको ७ हजार केजी राहत सामाग्री वितरण भइसकेको र बांकी वितरणका क्रममा रहेको उनले जनाए । राहत सामाग्रीमा टेन्ट, ब्ल्यांककेट, सोलार लाइट, औषधि र ड्राइ फुड छन् ।

काठमाण्डौं कर्नरले कार्गो सेवा पनि दिने भएकाले आफ्नो नेटवर्किङ सदुपयोग गरेको थापाको भनाइ छ । १७०० किलो सामाग्रीको कार्गो शुल्क आफ्नै पकेटबाट तिरेको समेत थापाले जनाए ।

‘हामी विदेशीएका नेपालीलेस्वदेशका लागि यस्तै असहज परिस्थितिमा सहयोग गर्ने हो’, थापाले भने, ‘जब भूकम्प गयो, मलाई लाग्यो मैले आफ्नो अनुभव र पहुंच देखाउने बेला यही हो । अहिले म व्यापार समेत छाडेर राहत सामाग्री पठाउने धुनमा छु । सांच्चै भन्ने हो भने मेरा कष्टमर बढेका छन् तर व्यापार कम ।’ उनलाई सामाग्री पठाइदिन आग्रह गरिएका कल दैनिक सयौं हुन्छन् ।

अझै पनि कार्गो गर्न चाहनेले डिस्काउन्टेड रेट प्रतिकिलो एक पाउण्ड ४० पेन्समा गर्न सक्ने उनले जनाए । थापाले दाताहरु अत्यधिक भएका तर सधैं निशुल्क कार्गो असम्भव भएकाले आफ्नो एक्लो प्रयास भन्दा अब सामूहिक साथ खांचो रहेको समेत उल्लेख गरे ।

प्रतिक्रिया

सम्बन्धित सामाग्री

फेसबुक