दूतावास राहत कोषमा हालसम्म ८० लाख रुपैयां

25486_102323639805967_7536432_n

संयोजक सूर्य गुरुङ

 

लन्डन । बेलायतका विभिन्न संघसंस्थाबीचको छलफलपछि लन्डनस्थित नेपाली दूतावासमा गठित नेपाल ब्रिटेन उद्दार तथा राहत कोषमा हालसम्म ८० लाख रुपैंया संकलन भएको छ । आर्थिक संकलन तथा व्यवस्थापन समितिका संयोजक सूर्य गुरुङले ८० लाख रुपयां संकलन भइसकेको र यो क्रम जारी रहेको जनाए । ‘बेलायतवासी नेपालीहरुले उदार मनले सहयोग गरिरहनुभएको छ’, गुरुङले भने, ‘समस्या मुलुकभर छ, तर आफ्नो क्षमताले भ्याएसम्म सहयोगका हात फैलाउनेहरुप्रति हामी कृतज्ञ छौं ।’

उनले बेलायतस्थित नेपाली संघसंस्थाले आर्थिक सहयोग संकलन गरि एकमुष्ट खातामा पठाइरहेका र अन्य धेरैले पठाउने तयारी गरेको समेत उल्लेख गरे । समितिले मानवीय सहायता अभियानमा सरिक भइदिन सबैमा अपिल समेत गरेको छ ।

आर्थिक सहयोग गर्न इच्छुक दाताहरुले दूतावासको अर्थक्वेक रिलिफ फण्ड बैंक अकाउण्टमा रकम जम्मा गर्न सक्नेछन् । बैंक विवरणः

Natwest Bank

Embassy of Nepal, London

Sort Code: 60-15-33

Account Number: 05537339

 

प्रतिक्रिया

सम्बन्धित सामाग्री