मंगलबार, मंसिर ९ २०७७ | Tue, November 24, 2020
नेपालको समय: १६:०० | UK Time: 10:15

उपेन्द्र महतोद्वारा १५ करोड सहयोगको घोषणा

वीनेपाली
२०७२ वैशाख १९ गते ९:१३

काठमाडौं। गैर आवासीय नेपाली संघका संस्थापक अध्यक्ष उपेन्द्र महतोको ट्रस्टले भूकम्प पीडितको राहत तथा पुनस्थापनका लागि १५ करोड रुपैया प्रदान गर्ने घोषणा गरेका छन्। Updenra_Mahato

फुलकुमारी महतो ट्रष्टले १५ करोड रुपैयाँ मध्ये तीन करोडको सामान तत्काल राहतका लागि र बाँकी १२ करोड रुपैयाँ विद्यालयको पुनर्स्थापनाका लागि खर्च गर्ने महतोले जानकारी दिए ।

‘तीन करोड रुपैयाँ बराबरको टेन्ट, चामल, तेल, मसला, तकियालगायत व्यवस्था गरिएको छ,’ उनले भने, ‘पुनर्स्थापना अन्तर्गत स्कूलहरुका लागि १२ करोड रुपैयाँ दिनेछौं । त्यो रकम क्षति भएका ठाउँहरुका स्कूलहरु हेरेर गरिनेछ ।’

यो राहत गैर आवासीय नेपालीहरु र पतंजली योग पीठका तर्फबाट संयुक्त रुपमा वितरण हुने महतोले बताए ।

यस्तै के कति सहयोग कहाँ भएको भन्ने कुरा पनि पारदर्शी बनाइने उनले बताए । राहत घोषणा कार्यक्रममा गैर आवासीय नेपाली संघका अध्यक्ष शेष घले लगायतको उपस्थिति थियो।

प्रतिक्रिया

सम्बन्धित सामाग्री

फेसबुक