महाभूकम्पमा साढे ४३ सय मृत्यु, दुर्गम क्षेत्रमा सम्पर्कबाहिर

काठमाडौं। शनिबार गएको महाभूकम्पको तेस्रो दिन बिहानसम्म मृत्यु हुनेको संख्या ४ हजार ३ सय ४७ पुगेको छ। गृहमन्त्रालयले ८ हजार १ सय ५४ जना घाइते भएको जनाएको छ। बढी क्षति पुगेका गोरखा, धादिङ, रसुवा, नुवाकोट, सिन्धुपाल्चोक, काभ्रे र ललितपुरलगायत क्षेत्रमा राहत तथा उद्धारका लागि सबै संयन्त्र परिचालन गरेको सरकारले जनाएको छ। अहिलेसम्म सबैभन्दा ठूलो मानवीय क्षति सिन्धुपाल्चोकमा देखिएको छ। सो जिल्लामा १ सय १ सय ७६ जनाको निधन भएको छ।

स्थानीय प्रशासनले केन्द्रसँग माग गरेअनुसार राहत सामग्री प्राप्त गर्न नसकेको बताएका छन्। भूकम्प प्रभावित क्षेत्रमा केही स्थानमा वर्षा भएको कारण भूकम्प पीडितहरुका झनै प्रभावित बनेको छ। गोर्खा, धादिङ, रसुवा, सिन्धुपाल्चोक जिल्लाका दुर्गम क्षेत्रमा हालसम्म सम्पर्क स्थापित हुन सकेको छैन। दोलखामा यार्सागुम्बा संकलन गर्न गएकाहरु सम्पर्क बाहिर छन्।

उपत्यका : मृतक: १४४०, घाइते: ४९०३

काठमाण्डौ‌ – १०३९

ललितपुर – १५८

भक्तपुर -२४३

पूर्व क्षेत्र : मृतक ५२, घाइते: २१२

भोजपुर -२

सुनसरी- ७

सोलुखुम्बु – २२

ओखलढुङगा – १७

ताप्लेजुङ – १

मोरङ-२

सप्तरी -१