बिहीबार, असोज ८ २०७७ | Thu, September 24, 2020
नेपालको समय: ०३:५४ | UK Time: 23:09

नेपालमा शक्तिशाली भूकम्प, ठूलो धनजनको क्षति भएको आशंका, धरहरा ढल्यो, अरु सांस्कृतिक सम्पदा समेत क्षतविक्षत

वीनेपाली
२०७२ वैशाख १२ गते ९:५१

काठमाण्डौं । नेपालमा शनिवार दिउसो शक्तिशाली भूकम्प गएको छ । अमेरिकी भूगर्भ विभागका अनुसार, काठमाण्डौं र पोखरा आसपास केन्द्रविन्दु बनाइ गएको ७ दशमलव ९ रेक्टर स्केलको भूकम्पले ठूलो धनजनको क्षति भएको आशंका छ । एएफपीका अनुसार, हालसम्म ११४ वटा शव निकालिएको छ । काठमाण्डौंका पुराना भवनहरु ध्वस्त भएका छन् ।

सामाजिक सञ्जालहरुमा काठमाण्डौं लगायत विभिन्न शहरमा भएका क्षतिहरुको तस्विर छरपष्ट भएका छन् । हताहतीको संख्या यकिन आइ नसकेपनि धरहरा ढलेको छ भने बसन्तपुर दरवार, भक्तपुर र पाटन दरवार क्षेत्रसहित अरु सांस्कृतिक सम्पदा समेत क्षतविक्षत भएका छन् । सगरमाथातिर हिम पहिरो गएको समेत अपुष्ट खवर छ । भीमसेन टावरले समेत चिनिने ९ तले उक्त ऐतिहासिक धरहरा विदेशी पर्यटकहरुका लागि आकर्षणको केन्द्र थियो । प्रहरीले त्यहां केही शव निकालेका खवर छ ।

मध्यान्ह १२ बजेतिर भूकम्प गएकाले अझ हताहती नभएको र मानिसहरु खुल्ला ठाउंमा आश्रय लिइरहेका जनाइएको छ । पटक पटक भूकम्पको धक्का महशुस गरिएको थियो । यस्तो दैवी विपत्तिले मानिसहरुमा सन्त्रास छ । सञ्चार सम्पर्क समेत सुचारु हुन सकिरहेको छैन् । ८० वर्ष पछि यत्ति ठूलो भूकम्प आएको हो ।

बीबीसीले भनेको छ, नेपालका सञ्चारमन्त्री मिनेन्द्र रिजालले धेरै क्षति भएको जनाउंदै अन्तर्राष्टिय एजेन्सीसंग सहयोग मागेका छन् । मन्त्रिपरिषदको आकस्मिक बैठक बस्ने तयारी भइरहेको छ ।

पत्रकार गुणराज लुईंटेलले भयानक भूकम्प गएको जनाउंदै ट्वीट गरेका छन्, हामी सुरक्षित छौं, थाहा छैन् अरु कतिको मृत्यु भयो । सडकहरु पहिलै बन्द छन् ।

नेपाल भूकम्पका लागि अत्यधिक जोखिम मानिन्छ ।

विभिन्न श्रोतबाट प्राप्त केही तस्विरहरुः

11180311_10155526689740457_4573431925095108664_n

1975130_859708470769561_5577466427964165131_n11122344_648404138625579_1083674295_n

11081256_433294146848416_4217167146131385103_n

 

प्रतिक्रिया

सम्बन्धित सामाग्री

फेसबुक