
मिस नेपालमा भिड्दै मिस यूके नेपाल २०१२ दुर्गा
लन्डन । लन्डन बस्दै आएकी सन् २०१२ की मिस यूके नेपाल दुर्गा गुरुङ मिस नेपालको २० औं संस्करणमा प्रतिष्पर्धा गर्दैछिन् । दि हिडेन ट्रेजरले महिना दिनपछि आगामी १७ अप्रिलमा गर्न लागेको ‘फेन्टा दि हिडेन ट्रेजर मिस नेपाल २०१५’ मा भाग लिन दुर्गा गत ५ मार्चमा काठमाण्डौं उडेकी हुन् । अहिले उनी सहित १९ प्रतिष्पर्धी प्रशिक्षणमा व्यस्त छन् । मिस नेपालको कोरियोग्राफीको जिम्मा रचना गुरुङ शर्मामाथि छ भने माल्भिका सुब्बाले सहायक कोरियोग्राफीको भूमिका निर्वाह गरिरहेकी छिन् ।
मिस यूके नेपाल आयोजना गर्ने इभेन्ट एण्ड आइडियाज्की निर्देशक शान्ति गुरुङ दुर्गाको सहभागिता देखेर उत्साहित छिन् । ‘पढाइ सकिएको बेला म पनि जान्छु भनेपछि हामीले सल्लाहमै जान प्रेरित गर्यौं’, शान्तिले वीनेपालीसंग भनिन् । मिस यूके नेपाल उपाधि जितेपछि बेलायतस्थित नेपाली समुदायसंग निकट रहेकी दुर्गाले आफ्नो नेतृत्वमा धेरै च्यारिटी काम समेत गरेकी छिन् ।
सन् २०१२ मा बेलायतबाटै गएकी सुन्दरी श्रृष्टि श्रेष्ठले मिस नेपालको ताज जित्न सफल भएकी थिइन् ।
शुक्रवार सार्वजनिक गरिएका अन्तिम १९ प्रतिष्पर्धीहरुमा दुर्गा सहित मेधा कोइराला, रेविका क्षेत्री, सृष्टि भट्टराई, पूजा श्रेष्ठ, प्रियारानी लामा, सुजिता खनाल, रितु केसी, सोनु थापा मगर, अनु खड्का, सुदिपा पाठक, निश्मा चौधरी, दिव्यता वैद्य, प्रसंसा पराजुली, इभाना मानन्धर, असिना पौडेल, कृपा न्यौपाने, श्रीया पौडेल र नुनिङ लिम्बु छन् । प्रशिक्षणको छैटौं दिन शुक्रवार प्रतिष्पर्धीहरुले योगा सिके ।
प्रतियोगितामा मिस नेपाल वोर्ल्ड विजेताले एक लाख रुपैयां, मिस नेपाल अर्थले ६० हजार र मिस नेपाल इन्टरनेशनलले ४० हजार रुपैयां नगदसहित ताज पहिरिनेछन् ।
प्रतिक्रिया

सम्बन्धित सामाग्री
- बेलायतमा कसरी बन्यो कोभिड–१९ बारे जानकारी दिने नेपाली भाषामा पर्चा ?
- नेपालीद्वारा संचालित उलविच फार्मेसीले बुधबारबाट कोरोनाविरुद्धको खोप प्रदान गर्ने
- कोरोनाको संक्रमणलाई निर्मूल पार्न सकिदैन : जनस्वास्थ्यविद् डा. न्यौपाने
- बेलायतका लागि एक्काइसौं नेपाली राजदूतमा लोकदर्शन रेग्मी नियुक्त
- कोभिड-१९ को हाउगुजी
- नयाँ भाइरस तीव्र गतिमा फैलिएपछि लण्डन, पूर्वी र दक्षिण पूर्वी इंग्ल्याण्ड टियर ४ मा
- बेलायतमा काम गर्न चाहने विदेशी नागरिकका लागि मङ्गलबारदेखि भिसा आवेदन खुला
- बेलायत सरकारद्वारा गोरखा भूपू सैनिकका लागि नयाँ पेन्सनको प्रस्तावमाथि सुझाव माग
- कोरोना खोपको पहिलो डोज लिएका पुडासैनीलाई कोरोना संक्रमण
- ‘बेलायतमा वर्क पर्मिट खुल्यो भनेर हल्लाको पछि नलागी बुझेर मात्र आउनुहोस्’ : सोलिसिटर दिपक भट्टराई