यज्ञपुरी हाउजिङको नमुना
लन्डन । नेपालमा हाउजिङ क्षेत्रमा प्रख्यात रोड शो रियल स्टेट प्रा.लि.ले दीप
हाउजिङ पोखरा र यज्ञपुरी हाउजिङ, चितवनका अत्याधुनिक घरहरु धमाधम विक्री भइरहेको जनाएको छ । ति घर मोर्गेजमा समेत उपलव्ध गराउने व्यवस्था भएको उक्त स्टेटका बेलायत प्रतिनिध वाचस्पति रेग्मीले आइतबार एउटा पत्रकार भेटघाटमा जनाए ।
बेलायतवासी नेपालीले यहींको आम्दानी देखाएर १५ वर्ष सम्मको मोर्गेजमा घर खरिद गर्न सकिने रेग्मीको भनाइ छ । ‘घर खरिद पनि सुरक्षित लगानीको एउटा प्रमुख पाटो हो’, रेग्मीले भने, ‘ग्राहकलाई बिना झण्झट सर्वसुलभ तरिकाले घर उपलव्ध गराउन कम्पनी लागिरहेको छ ।’ उनका भनाइमा एक करोड बीस लाख देखि एक करोड ७० लाख रुपैयांसम्मका घर विक्रीमा छन् ।
गोर्खा दरबार रेष्टुरेन्ट फेल्थाममा आयोजित पत्रकार भेटघाटमा रेग्मीले दीप हाउजिंगका एकसय आठ घर र ७ तले भवनको ४० अपार्टमेन्ट विक्री शुरु भएको उल्लेख गरे । ति घरमा बार, स्वीमिङ पुल, ब्यांगकिट हल, लाइब्रेरी, जिम, निशुल्क इन्टरनेट जस्ता सुविधा रहेको रेग्मीले जनाए ।
नेपालमा हाउजिङका आफ्नै समस्या छन् । पैसा तिरिसकेर पनि ग्राहकले समयमा घर लालपूर्जा नपाउनु, कमसल सामाग्री प्रयोग, सरिसकेपछि अतिरिक्त शुल्क आदि समस्या सुनिएपनि रोड शो उल्लेखित समस्याबाट टाढा रहेको दावी रेग्मीको छ ।
उक्त स्टेटले महाराजगञ्ज हाउजिङ, धुम्बाराही हाउजिङ, बुढानिलकण्ठ हाउजिङ, नारायण भवन रेसिडेन्सी ललितपुर, भाटभटेनी अपार्टमेन्ट जस्ता प्रोजेक्ट सम्पन्न गरिसकेको छ ।
कार्यक्रममा कम्पनीले मितेरी गाउं पोखरा, बर्दिवास र यज्ञपुरी चितवनमा जग्गा प्लटिङका काम गरिसकेको र अन्य कयौं प्रोजेक्ट पाइपलाइनमा रहेका जनाउने एउटा भिडियो समेत प्रदर्शन गरिएको थियो ।
