लन्डन। सहारा यूकेको अध्यक्षमा दिलिपकुमार गुरुङ चुनिएका छन्। शनिबार सम्पन्न बैठकले दुई वर्षका लागि चयन गरेको नयाँ नेतृत्वमा उपाध्यक्ष मिनबहादुर गुरुङ चुनिए । त्यसैगरी महासचिवमा कुमार गुरुङ, कोषाध्यक्षमा नारायण गुरुङ र सांस्कृतिक सचिवमा कृष्ण गुरुङ छानिएका छन्।
सहारा यूकेले २०१५ फेब्रुअरी ५ मा पोखरामा हुने आहा रारा गोल्डकप प्रतियोगितामा सहभागी हुनका लागि एल्डर्सट टाउन फुटबल क्लवलाई नेपाल लैजाने भएको छ।
बेलायतको नेपाली समुदायमा सहाराको बेग्लै पहिचान छ । स्थानीय समुदायसंग नेपाली समुदायको समायोजनमा जुटिरहेको उक्त संस्थाले पूर्व अध्यक्ष नवीन गुरुङको पालामा नेपाली खेलाडीको विकास र स्थानीय क्लवमा अवसर प्रदान गर्न अहंम भूमिका निर्वाह गरेको थियो । नेपालमा पोखरास्थित रंगशाला निर्माण र अन्य सामाजिक काममा समेत सहाराको योगदान छ ।
