डिभिजन टु का लागि टोलीको घोषणा, महबुबको स्थानमा करण

काठमाडौं। नेपाल क्रिकेट संघ (क्यान) ले बुधबार आइसिसी वर्ल्ड क्रिकेट लिग डिभिजन २ को १४ सदस्यीय टोली अन्तिम सूची जारी गरेको छ। टोलीमा करण केसी मात्रै नयाँ खेलाडी हुन्। नामीवियामा जनवरी १७ देखि २४ सम्म हुने खेलको अन्तिम सूचीमा नपरेका चार खेलाडीलाई रिजर्भ पुलमा राखिएको छ।

करण अल राउन्डर मेहबुब आलमको स्थानमा अन्तिम १४ मा परेका हुन्। करणको पहिलो अफिसियल अन्तर्राष्ट्रिय प्रतियोगिता हो। करण बाहेक १३ खेलाडी अक्टोबर २३-३० मा मलेसियामा भएको डिभिजन थ्रीमा सहभागी थिए। क्यानअनुसार टोलीमा कप्तान पारस खड्का, उप कप्तान ज्ञानेन्द्र मल्ल, शक्ति गौचन, सागर पुन, सोमपाल कामी, सुवास खकुरेल, बिनोद भण्डारी, नरेश बुढायर, शरद भेषवाकर, अमृत भट्टराई, आरिफ शेख करण र भुवन कार्की सदस्य छन्। महबुबसँगै राहुल विश्वकर्मा, रामनरेश गिरी, राजेश पुलामी रिजर्भ प्लेयरका रुपमा रहेका छन्।