जाजरकोटमा बस दुर्घटना, ४ को मृत्यु, दसको उद्दार, ३० वेपत्ता

काठमाडौं। जाजरकोटबाट सुर्खेततर्फ आउँदै गरेको यात्रुबहाक बस बिहीबार बिहान भेरी नदीमा खसेको छ। ५० जना यात्रु चढेको बस भुर गाबिसमा सडकबाट ५० मिटर तल भेरी नदीमा खसेर दुर्घटना भएको हो।

हालसम्म चारजनाको शव निकालिएको छ भने १० जनालाई उद्दार गरिएको स्थानीय प्रशासनले जनाएको छ । उद्दार गरिएकाहरुलाई उपचारका लागि सुर्खेत पठाइएको छ। बिहान साढे आठमा दुर्घटनाग्रस्त ना ३ ख १४०८ नम्बरको बस पुरै नदीमा डुबेको छ। स्थानीय बासिन्दा, प्रहरी तथा नेपाली सेना उद्दार कार्यमा खटिएका छन्। दुर्घटनाको बारेमा विस्तृत विवरण आउन बाँकी छ ।  बसका यात्रुलाई बगाएको हुनसक्ने भएकाले खोजीका लागि नदी आसपासको क्षेत्रमा प्रहरी परिचालन गरिएको छ।