बुधबार, कार्तिक ५ २०७७ | Wed, October 21, 2020
नेपालको समय: ०१:४५ | UK Time: 21:00

एमाले माओवादी वार्तामा सहमति भएन

वीनेपाली
२०७१ कार्तिक ३० गते १८:२७

काठमाडौं। संविधान निर्माणमा देखिएको गतिरोध अन्त्य गर्न र नयाँ संविधानको अन्तरबस्तु बारे सहमति खोज्न भएको नेकपा एमाले र एकीकृत नेकपा माओवादीबीचको वार्ता बिना निष्कर्ष टुङ्गिएको छ। Picture_052

बैठकमा नेकपा एमालेले कांग्रेसले आफूले ल्याएको संयुक्त प्रस्ताव संविधानसभाको संवैधानिक राजनीतिक संवाद तथा सहमति समितिबाट पूर्ण बैठकमा लैजान आग्रह गरेका थिए।

तर नयाँ बानेश्वरमा करिब तीन घण्टा चलेको वार्तामा संवैधानिक राजनीतिक संवाद तथा सहमति समितिका सभापति समेत रहेका माओवादी नेता बाबुराम भट्टराईले वैधानिक र राजनीतिक रुपमा पनि त्यस्तो गर्न नसकिने बताए ।

समितिले नियमावली र अभ्यासकै आधारमा भन्दै सभापति भट्टराईले संविधानसभाको बैठकमा सिधै लैजान सुझाव दिएका थिए।

बैठकमा माओवादीले कांग्रेस एमालेसहितका यसअघि भएका सहमति/सम्झौताको विपक्षामा रहेकाले संयुक्त प्रस्ताव नै फिर्ता लिन आग्रह गरेका थिए। तर एमालेले प्रस्तावमाथि छलफल भएपनि त्यसलाई फिर्ता नहुने बताएको छ।

बैठकमा नेकपा एमालेका अध्यक्ष केपी शर्मा ओली, उपाध्यक्ष विद्धा भण्डारी, महासचिव ईश्वर पोखरेल तथा एकीकृत माओवादीका अध्यक्ष पुष्पकमल दाहाल, बाबुराम भट्टराई र नारायणकाजी श्रेष्ठ संलग्न थिए।

प्रतिक्रिया

सम्बन्धित सामाग्री

फेसबुक