नेकपा-माओवादी फुटको संघारमा, चन्दको कपिलबस्तु जंगलमा गोप्य भेला

काठमाडौं । फुटेको नेकपा-माओवादीका सचिव नेत्रविक्रम चन्द ‘विप्लव’ निकट कार्यकर्ताहरुको गोप्य राष्ट्रिय भेला कपिलबस्तुको जंगलमा शुरु भएको नेपाली सञ्चार माध्यमहरुले जनाएका छन्।Kapitbastu_Shivagadi

दीर्घकालीय सशस्त्र जनयुद्ध पुन शुरु गर्नु पर्ने धारणा राख्दै आएका चन्दको सो भेलाले आगामी रणनीति तय गर्ने बताइएको छ । संस्थापन पक्षले चन्दलाई भेला रोक्न निर्देशन दिएको थियो ।

शिवगढी क्षेत्रको जंगलमा बुधबार १ बजेबाट भेला शुरु भएको इकान्तिपुरले जनाएको छ । सदरमुकाम तौलिहवाबाट ६० किलोमिटर उत्तर पश्चिमा सो स्थान रहेको बताइएको छ ।

भेलामा सहभागी हुन चन्द मंगलबार साझ कपिलबस्तु पुगेको बताइएको छ । भेलामा जिल्लाबाट २ जना प्रतिनिधि र मोर्चाका प्रमुखहरुलाई बोलाइएको छ।

मोहन वैद्य नेतृत्वमा रहेको नेकपा-माओवादीभित्र महासचिव रामबहादुर थापा बादल र चन्दबीच कार्यनीतिको विवाद रहँदै आएको छ।

नेत्रविक्रम चन्द विप्लव

नेत्रविक्रम चन्द विप्लव

थापा सशस्त्र जनविद्रोहको पक्षमा रहेका छन् भने चन्द दीर्घकालीन जनयुद्ध शुरु गर्नु पर्ने पक्षमा छन्। मंगलबार बसेको पोलिटब्युरो बैठकले भेला रोक्न निर्देशन दिएको थियो भने मंसिरको ६ गते केन्द्रीय कमिटीसहितको विस्तारित बैठक बोलाइएको छ। त्यसको तयारीका लागि शनिबार केन्द्रीय कमिटीको बोलाएको बैठक पनि चन्द पक्षले बहिस्कार गर्ने भएको छ।

प्रतिक्रिया

सम्बन्धित सामाग्री