शुक्रबार, मंसिर १२ २०७७ | Fri, November 27, 2020
नेपालको समय: १३:५७ | UK Time: 08:12

थर्काउने प्रचण्डको पुरानो बानी: प्रम कोइराला

वीनेपाली
२०७१ कार्तिक २३ गते १८:४६

काठमाडौं। सत्तारुढ दल नेपाली कांग्रेस, नेकपा एमालेसहित संविधानको अन्तरबस्तुबारे साझा धारणा बनाएका दलहरुले आन्दोलनरत एकीकृत नेकपा माओवादीसहितका दलहरुलाई धम्कीको भाषा छाडेर सहमतिमा आउन आग्रह गरेका छन् ।susheel k

पर्यटन बोर्डमा नयाँ संविधानको अन्तरबस्तुको बारेमा साझा धारणा सार्वजनिक गर्ने कार्यक्रममा नेताहरुले आफूले अघि सारेको अवधारणामा सहमतिमा आउन वा प्रक्रियामा जान बाहेकको कुनै विकल्प नभएको स्पष्ट पारे ।

कांग्रेस सभापति समेत रहेका प्रधानमन्त्री सुशील कोइरालाले धक्याउने एकीकृत नेकपा माओवादीका अध्यक्ष पुष्पकमल दाहालको पुरानो बानी भएको बताए । उनले धम्की छाडेर सहमतिमा आउन आग्रह गरे । ‘थर्काउने बानी प्रचण्डजीको पहिले देखिकै हो’ कोइरालाले भने, ‘त्यो छाड्नुहोस सबैको जिम्मबारी हो नि सहमति गर्ने।’

कार्यक्रममा कोइरालाले संविधान निर्धारित समय माघ ८ मै आउने बताए । उनले संविधान निर्माणभन्दा ठूलो समस्या शान्ति प्रक्रिया अन्तर्गतको हतियार व्यवस्थापन र लडाकु समायोजन पनि टेवल टकबाट समाधान भएको बताए ।

सत्तासाझेदारसँग साना दल र स्वतन्त्र सभाषदहरुले धारणा औपचारिक रुपमा बाहिर ल्याउन आयोजित कार्यक्रममा एमाले अध्यक्ष केपी शर्मा ओलीले माओवादी ट्रयाकबाट बाहिर गएकाले अहिलेको समस्या देखिएको बताए । उनले सात प्रदेशभन्दा बढीमा जान नसकिने  भन्दै धेरै प्रदेशको कुरा प्रादेशिक शासनबारे नबुझ्नेले कुरा उठाएको बताए ।

प्रतिक्रिया

सम्बन्धित सामाग्री

फेसबुक