शुक्रबार, मंसिर १२ २०७७ | Fri, November 27, 2020
नेपालको समय: १४:४० | UK Time: 08:55

मोदीले लुम्बिनी, जनकपुर र मुक्तिनाथबाट सम्बोधन गर्ने

वीनेपाली
२०७१ कार्तिक २१ गते ३:४६

काठमाडौं। सार्क शिखर सम्मेलनमा सहभागी हुन आउने भारतीय प्रधानमन्त्री नरेन्द्र मोदीले जनकपुर, लुम्बिनी र मुक्तिनाथबाट सम्बोधन गर्ने भारतीय सञ्चार माध्यमहरुले जनाएका छन्। चार दिने नेपाल भ्रमणको क्रममा मोदी नोभेम्बर २५ मा सडक मार्गबाट जनकपुर पुग्ने परराष्ट्र मन्त्रालयले जनाएको छ। जनकपुरबाट सार्क शिखर सम्मेलनमा भाग लिन मोदी बिमानबाट काठमाडौं आउने छन्। narendra_modi

हेलिकप्टरबाट मुक्तिनाथ जाने मोदी भारत फर्किने क्रममा लुम्बिनीको भ्रमण गर्ने कार्यक्रम छ। तीन वटै धार्मिक केन्द्रहरुमा पूजापाठको अतिरिक्त सम्बोधन गर्ने कार्यक्रम रहेको भारतीय विदेश मन्त्रालयलाई उद्धृत गर्दै भारतीय सञ्चार माध्यमहरुले जनाएका छन्।

राजधानीमा सार्कको तयारी समेत तीव्र पारिएको छ। राष्ट्रिय सभागृहमा शिखर सम्मेलनको उद्घाटन गरिने भएपछि मर्मत कार्य तीव्र पारिएको छ। सडक मर्मतको अतिरिक्त सुरक्षा पनि कडा पारिएको छ। प्रहरीले काठमाडौं भित्रने नाकामा चेकजाँचलाई तीव्र पारेको छ । सार्क सम्मेनल नोभेम्बर २६­-२७ मा हुनेछ।

प्रतिक्रिया

सम्बन्धित सामाग्री

फेसबुक