मकवानपुरमा ट्रक दुर्घटना, सातको मृत्यु

काठमाडौं। सर्लाहीबाट पोखरातर्फ जाँदै गरेको ट्रक मकवानपुरमा दुर्घटना हुँदा ७ जनाको घटनास्थलमै मृत्यु भएको छ। मकवानपुरको चुरियामाई गाबिसमा मंगलबार बिहान ५ बजे सो दुर्घटना भएको प्रहरीले जनाएको छ।  इँटा बोक्ने ट्रक सडकबाट तल खस्दा ८ जना घाइते भएका छन्। ट्रकमा धान काट्ने मजदुर भएको प्रहरीले जनाएको छ। घाइतेको स्थानीय अस्पतालमा उपचार भैरहेको छ। केहीलाई थप उपचार गराउन चितवन लैजाने तयारी भैरहेको छ।