मंगलबार, असोज १३ २०७७ | Tue, September 29, 2020
नेपालको समय: ०३:४७ | UK Time: 23:02

मकवानपुरमा २ बस जुध्दा १० जनाको मृत्यु, ३० घाइते

वीनेपाली
२०७१ कार्तिक १५ गते २:५५

काठमाडौं। मकवानपुरको बसामाडीमा दुई यात्रुबहाक बस ठोकिदा १० जनाको मृत्यु भएको छ। काठमाडौंबाट विराटनगर जाँदै गरेको र इलामबाट काठमाडौं आउँदै गरेको बस शनिबार राति २ बजे ठोकिदा करिब ३० जना घाइते भएका छन्। मकवानपुर प्रहरीले घटनास्थलमा ८ जना र अस्पतालमा उपचारको क्रममा २ जनाको मृत्यु भएको जनाएको छ । तीव्र गतिमा गुडिरहेको बस मध्ये एकले सन्तुलन गुमाउँदा दुर्घटना भएको हुनसक्ने अनुमान प्रहरीको छ।Makwanpur_Accident

मध्यमाञ्चल ट्राफिक प्रहरी प्रमुख उमेश रंजितकारका अनुसार घटनास्थलमै मृत्यु हुने यात्रुमा इलामका रोशन भट्टराई, मिलन अधिकारी, इसा कार्की, सुजाता काफ्ले, रक्षा श्रेष्ठ, विराटनगरका शान्ता लुईंटेल , ७३१०४६६४१० नम्बरको राहदानीबाहक २६ वर्षीया रसियन नागरिक डारिया मोलोचक्व र थर खुल्न नसकेकी आस्था भएको प्रहरीले जनाएको छ।

त्यस्तै, दुर्घटनामा परि गम्भिर घाइते प्रवीणराज आचार्यको हेटौंडा अस्पतालमा र इजत दाहालको भरतपुर अस्पतालमा उपचारको क्रममा मृत्यु भएको प्रहरीले जनाएको छ।

प्रतिक्रिया

सम्बन्धित सामाग्री

फेसबुक