नासाको सेटलाइटबाट कस्तो देखियो हिमआँधी प्रभावित क्षेत्र

काठमाडौं। समुद्री आँधी हुडहुडको कारण नेपालमा करिब ४० जनाको ज्यान लियो। अहिले पनि आँधीले पुर्याएको मानवीय क्षेत्रको लेखाजोखा जारी रहेको छ।

दस दिन अघि भारतको पूर्वदक्षीण क्षेत्रको भूभागमा प्रवेश गरेको आँधीको प्रभाव त्यहा मात्रै सिमित रहेन। २ सय १७ किलोमिटरको रफ्तारमा आँधीले व्यापक वर्षा गरेको थियो।

भारतको मध्य तथा उत्तरी भाग हुँदै नेपाल प्रवेश गरेको थियो। नेपाल आइपुग्दा आँधीको गति कम भएपनि तराई र पहाडी क्षेत्रमा व्यापक वर्षा गरयो भने हिमाल क्षेत्रमा एक मिटरसम्म हिमपात भएको थियो।

जसको कारण प्रमुख पर्यटकीय सिजनमा सयौं पर्यटक अन्नपूर्ण फेरीमा रहेको समयमा आएको हिमआँधीको कारण धेरै देशका नागरिकको हताहती भयो।

अमेरिका नेशनल एरोनेटिक एन्ड स्पेश एड्मिनिस्ट्रेसन(नासा)ले हिमआँधी आउनु अघि र पछिको तस्वीरहरु सार्वजनिक गरेको छ । नासोको भू उपग्रह अक्वाले यो तस्वीर खिचेको हो।