एकीकृत माओवादीका चार सभाषद नियुक्त

काठमाडौं। मन्त्रिपरिषदले एकीकृत नेकपा माओवादीको सिफारिसमा चार जना सभाषद् मनोनयन गरेको छ। बिहीबारको बैठकले राममाया बोगटी, जनकराज जोशी, श्याम श्रेष्ठ र जनक बुढालाई मनोनित गरेको हो।

माओवादीको सिफारिसमा सभाषद बनेकी राममाया हालै निधन भएका माओवादीका उपाध्यक्ष पोष्टबहादुर बोगटीकी पत्नी हुन भने जोशी सरकारका पूर्व सचिव हुन। त्यसैगरी श्रेष्ठ बामपन्थी वुद्धिजिवी र बुढा बझाङका माओवादी नेता हुन्।

यसअघि मन्त्रिपरिषद्ले नेपाली कांग्रेस र नेकपा एमालेको सिफारिसमा ८ -८ र राप्रपा नेपालको सिफारिसमा एक सभाषद मनोनयन गरिसकेको छ। साना राजनीतिक दलहरुलाई छुट्याएको चार स्थानमा भने नियुक्त हुन बाँकी छ। कांग्रेसको कोटामा परेको एक स्थान रिक्त छ।Maobadi

मन्त्रिपरिषदको विहिवारको बैठकले राष्ट्रिय समाचार समिति (रासस)को कार्यकारी महाप्रबन्धकमा श्रीरामसिंह बस्न्यातलाई नियुक्त गरेको छ।

मन्त्रिपरिषदको बैठकले राष्ट्रिय समाचार समिति (रासस) को महाप्रवन्धकमा श्रीरामसिंह बस्न्यात नियुक्त गरेको छ । २०४४ सालमा सहायक सम्पादकबाट राससमा सेवा प्रवेश गरेका बस्न्यात यसअघिसम्म राससमा प्रधान सम्पादक थिए। २८ वर्ष राससमा कार्यरत रहँदा उनले प्रमुख समाचारदाता, समाचार महाशाखा प्रमुख, आलेख सम्पादक लगायत पदमा काम गरेका छन्। उनी २०१४ सालमा काठमाडौंमा जन्मेका हुन्

प्रतिक्रिया

सम्बन्धित सामाग्री