आर्थिक वर्ष बैशाखबाट शुरु गर्न सभाषदको माग

काठमाडौँ। सभाषद्हरुले जारी आर्थिक वर्ष परिवर्तन गरेर बैशाखबाट शुरु गर्नु पर्ने बताएका छन्। व्यवस्थापिका–संसद् अन्तर्गतको अर्थ समितिका अधिकांश सभाषदहरुले असारको अन्त्यतिर बजेट सार्वजनिक र आर्थिक वर्ष साउन १ गतेदेखि लागू गर्ने वर्तमान परिपाटी अव्यावहारिक भन्दै परिवर्तन गर्नु पर्ने धारणा राखेका हुन्।

विकास–निर्माणका कामलाई गति दिन तथा पुँजीगत खर्च बढाउन पनि आर्थिक वर्ष परिवर्तन अपरिहार्य भएको बताउँदै उनीहरुले नयाँ आर्थिक वर्ष वैशाखबाट प्रारम्भ गर्नु उपयुक्त हुने सुझाव दिएका हुन् ।

भारतमा झैँ नेपालमा पनि बजेट सार्वजनिक गर्ने मिति निर्धारण हुनुपर्ने र भारतीय बजेट सार्वजनिक भएको केही दिनपछि नेपाल सरकारले पनि बजेट ल्याउनुपर्ने सुझाव पनि दिए।