काठमाडौं। एकीकृत नेकपा माओवादीको संसदीय दलको उपनेतामा टोपबहादुर रायमाझीलाई उप नेता छानेको छ। एमाओवादीले संसदीय दलको बैठकले बाबुराम भट्टराई निकट रायमाझीलाई उपनेतामा चयन गरेको हो।
सचेतकमा रेखा शर्मा र बोर्डको सचिबमा अग्नि सापकोटालाई चयन गरेको छ । बोर्ड सचिब सापकोटाले दलको बैठकले बाढीपहिरो पिडीतलाई उचित राहत र व्यवस्थापन गर्न र बस दुर्घटनाका घाइतलेलाई प्रभावकारी निःशुल्क उपचार गर्न र मृतकका परिवारलाई क्षतिपूर्ति दिन माग गरेको जानकारी दिए । एकीकृत माओवादीको संसदीय दलमा लामो समयदेखि पदाधिकारी रिक्त रहेको थियो। दलको नेतामा अध्यक्ष पुष्पकमल दाहाल र मुख्य सचेतकमा गिरिराजमणि पोखरेल रहेका छन्।
