विषाक्त खाना खाँदा सिन्धुपाल्चोकमा १ को मृत्य, १४ बिरामी

काठमाडौं। सिन्धुपाल्चोकमा विषाक्त खाना खादा एक जनाको मृत्यु भएको छ भने १४ जना विरामी परेका छन्। प्रहरीले मृतक ५५ वर्षका हरिबहादुर थापा मगर भएको जनाएको छ।

धुलिखेलस्थित अस्पताल लैजादै गर्दा बाटौमै थापाको मृत्यु भएको हो। त्यसअघि उनको चौतारामै उपचार गरिएको थियो। धुलिखेल अस्पतालका चिकित्सकले विषाक्त खानाको कारण थापाको मृत्यु भएको जनाएका छन्।

बिरामी परेका १४ जना मध्ये ५ जनाको थप उपचारका लागि काठमाडौं ल्याइएको छ। स्थानीय टेकबहादुर थापा मगरको घरमा दसैको टिकाको दिन खाना खाएपछि उनीहरु विरामी परेका थिए। विरामी पर्नेहरु सदरकुमार चौतारा नगरपालिका-७ स्थित सानो सिरुवारस्थित मगर गाउँका बासिन्दा हुन्। सो दिन खाना खानेहरुलाई शनिबार बिहानदेखि पेट दुख्ने र बान्ता हुने गरेको थियो।