धादिङमा २ बस ठोकियो, ५ जनाको मृत्यु

काठमाडौ। धादिङमा सोमबार बिहान भएको सडक दुर्घटनामा ५ जनाको मृत्यु भएको छ। काठमाडौंबाट काकड्भिट्टातर्फ जाँदै गरेको ना ५ ख ४३८४ र म्याग्दीको बेनीबाट काठमाडौंतर्फ आउँदै गरेको ना ३ ख ७६३३ नम्बरको बस बिहान करिब सात बजे धादिङको भूमीस्थान-६ सिम्लेमा ठोकिएर दुर्घटना भएको थियो। सो दुर्घटना परि २४ जना घाइते भएका छन् । प्रहरी र स्थानीय बासिन्दाले उद्दार गरी यात्रुलाई उपचारका लागि काठमाडौ पठाएका छन् ।

घटनास्थलमा रहेका प्रहरी निरीक्षक हेमन्त भण्डारीले क्षेत्रीले तीन जनाका बाहेक अरुको पहिचान खुल्न नसेको बताएका छन् । मृत्यु हुनेमा काठमाडौ विशालनगरकी कीर्तिका थापा मगर उनको छोरी कान्छी थापा मगर र किसन खत्री रहेका छन् ।

काकड्भिट्टातर्फ जाँदै गरेका बसको मृत्यु भएको व्यक्तिको सनाखत हुन नसकेको प्रहरीले जनाएको छ । घुम्ती नभएको फराकिलो सडक भएको स्थानमा दुर्घटना भएकाले प्रहरीले जनाएको छ। दुर्घटनाको समयमा दुवै बस तीव्र गतिमा रहेका प्रत्यक्षदर्शीले बताएका छन्।