नेपालका करिव सवा लाख पासपोर्टमाथि प्रहरीकाे अन्तर्राष्ट्रिय संगठन इन्टरपोलले निगरानी राख्ने भएको छ। नेपाल सरकारले पठाएको विवरणको आधारमा इन्टरपोलले यस्तो निगरानी राख्ने छ। हराएको वा चोरी भएका यस्ता पासपोर्ट आतंककारी लगायतले दुरुपयोग गरिरहेको आशंकामा अनुसन्धान गर्न इन्टरपोलकै आग्रहमा सो विवरण पठाएको हो।
सो सूचीमा रहेका कुनै पनि पासपोर्टमा कसैले यात्रा गरे १ सय १० इन्टरपोल सदस्य राष्ट्रले जुनसुकै विमानस्थलमा पक्राउ गरी कारवाही अघि बढाउन सक्नेछ।
पछिल्लो साढे तीन वर्ष अवधिमा हराएको वा चोरी भएका करिब १ लाख १७ हजार नेपाली पासपोर्ट विवरण इन्टरपोललाई गएको परराष्ट्र मन्त्रालयलाई उद्धृत गर्दै नागरिक दैनिकले जनाएको छ।
त्यस्ता पासपोर्टको विवरण इन्टरपोलले आफ्नो डाटा बेसमा राख्न शुरु गरिसकेको छ । यस्तो डाटाबेस इन्टरपोलका सदस्य भएका संसारका सबै देशले प्रयोग गर्दछन्। इन्टरपोललाई सूची बुझाउनु अघि सरकारले ७५ वटै जिल्ला प्रशासन कार्यालय र ३२ वटै कुटनीतिक नियोगबाट हराएको र चोरी भएका पासपोर्टको विवरण माग गरेको थियो।
सरकारी अधिकारीहरुले हराएको वा चोरी भएको पासपोर्टको संख्या अझै बढी हुनसक्ने अनुमान गरेका छन्। अधिकारीहरुले यस्तो संख्या पनि जानकारी गराएको संख्याको बराबरी हुनसक्ने अनुमान गरेका छन्। हराउने वा चोरी हुने वित्तिकै जानकारी गराउने चलन नभएको छैन ।
