सोमबार, असोज १२ २०७७ | Mon, September 28, 2020
नेपालको समय: १२:०८ | UK Time: 07:23

सुजाता काेइरालासहित १ सय ८३ माथि कारवाही

वीनेपाली
२०७१ असोज ८ गते ७:५८

नेपाली कांग्रेसले संविधानसभा निर्वाचनमा पार्टी उम्मेदवारविरुद्ध अन्तर्घात गरेको भन्दै १ सय ८३ जनालाई कारबाही गरेको छ । कारवाहीमा पर्नेमा केन्द्रीय सदस्य, सभासद, पूर्वमन्त्री, पूर्व जिल्ला सभापति, क्षेत्रीय सभापतिका साथै महासमिति सदस्यहरु रहेका छन् । Congress-flag
अनुशासन समितिका संयोजक आमोद उपाध्यायको कमिटीले गरेको कारवाहीमा पर्नेमा केन्द्रीय सदस्य सुजाता कोइराला, सभासद गणेशप्रसाद विमली, पूर्वमन्त्री सुशीला स्वार, सुशीलमान शेरचन, पर्शुराम पोखरेलरहितका नेता रहेका छन् ।
समितिका अनुसार दायर उजुरीबाट १ सय ८३ जना अनुशासन उल्लंघनको कारबाहीमा परेका छन् १२ जनाविरुद्ध दायर उजुरी पक्षबीच मेलमिलाप भएर फिर्ता गरिएको छ।
समितिले ८४ नेतालाई ३ देखि ६ महिना बहाल रहेको पदबाट मुक्त गरेको छ । २३ नेतालाई एक वर्षसम्म सदस्यता नै नरहने गरी निष्काशन गरेको छ भने आठ नेतालाई पदिय जिम्मेवारीबाट मुक्त गराउादै पार्टीको विभिन्न तहमा उम्मेदवार हुनबाट प्रतिवन्ध लगाएको छ । ३५ नेतालाई सचेत गराउनुको साथै पार्टीको आधिकारीक उम्मेदवारविरुद्ध विद्रोही उम्मेदवारीदिने र त्यसका प्रस्तावक समर्थक ८० नेता तथा कार्यकर्तालाई यसअघि नै कारवाही गरी सकेको छ ।

कोइरालालाई बहाल रहेका पदबाट ६ महिनाका लागि निलम्बन गरिएको छ । कोइराला कांग्रेसको केन्द्रीय सदस्य र अन्तर्राष्ट्रिय विभागकी प्रमुख हुन् ।

प्रतिक्रिया

सम्बन्धित सामाग्री

फेसबुक