काठमाडौं । नेपाली कम्युनिष्ट आन्दोलनकी नेतृ सहाना प्रधानको निधन भएको छ । सोमबार राति ११ बजेर ५ मिनेटमा प्रधानकोभएको एमाले नेता तथा पूर्व प्रधानमन्त्री माधवकुमार नेपालले जनाएका छन् । लामो समयदेखि विरामी  प्रधान काठमाडौंको बल्खुस्थित बयोधा अस्पतालमा उपचाररत थिइन । लामो समयदेखि ओछ्यान परेकी प्रधानलाई निमोनिया भएपछि अस्पताल भर्ना गरिएको थियो।
काठमाडौको असन त्यौडमा १९८४ साल असार ३ गते  प्रधानको जन्म भएको थियो । २०४६ सालको जनआन्दोलनमा बामपन्थी दलहरुको तर्फबाट प्रधानले नेतृत्व गरेकी  थिइन् । प्रधानकै अध्यक्षतामा पञ्चायती  व्यवस्था विरोधी आन्दोलन गर्न बामपन्थी दलहरुको  संयुक्त बाम मोर्चाको  गठन गरेका थिए । २००४ साल बैशाखमा काठमाडौमा चार महिलाले प्रदर्शन गरेका थिए । प्रधानको साथमा कनकलता स्नेहलता र उनकै दिदी साधना रहेका थिए।

कम्युनिष्ट पार्टीका संस्थापक पुष्पलाल श्रेष्ठकी पत्नि प्रधान शिक्षण पेशाबाट सक्रिय राजनीतिमा आएकी हुन् ।
सानो उमेरमा परिवारका साथ बर्मा गएकी प्रधानको परिवार दोस्रो विश्वयुद्ध चर्केपछि स्वदेश फर्किएको हो । नेपाल फर्केपछि राणा विरोधी आन्दोलनमा सक्रिय प्रधानसहित महिलाहरुले मताधिकारको माग सन् २००४ सालमा काठमाडौंमा प्रदर्शन गरेका थिए । पटक पटक गरी प्रधानले विभिन्न मन्त्रालयको जिम्मेवारी सम्हाल्नु भएको थियो।