पूर्व–पश्चिम राजमार्गअन्तर्गत नवलपरासीको तिलकपुर– १ तुल्सीनगरमा मंगलबार दिउँसो भएको सवारी दुर्घटनामा ७ जनाको मृत्यु भएको छ । बस, एम्बुलेन्स र मोटरसाइकल एकआपसमा ठक्कर थियो ।
बुटवलबाट नारायणघाटतर्फ आउँदै, विपरीत दिशातर्फ गइरहेको एम्बुलेन्स र राजमार्गमा निस्कँदै गरेको मोटरसाइकल एकआपसमा ठक्कर खाएको ट्राफिक प्रहरी कार्यालयले जनाएको छ ।
दुर्घटनामा परी घाइते हुनेहरूको देवदह मेडिकल कलेज रुपन्देही र लुम्बिनी अञ्चल अस्पताल बुटवलमा उपचार भइरहेको प्रहरीले जनाएको छ ।
दुर्घटनामा चार जनाको घटनास्थलमै र अन्य तीन जनाको देवदह मेडिकल कलेजमा उपचारका क्र
ममा मृत्यु भएको प्रहरीले जनाएको छ । रासस
