मन्त्रिपरिषद पुनर्गठनको तयारी

प्रधानमन्त्री सुशील कोइरालाले मन्त्रिपरिषद पुनर्गठन र हेरफेरको तयारी गरेका छन् । दुई साता लामो विदेश भ्रमण जानुअघि नै प्रधानमन्त्रीले कोइरालाले साना दललाई छुट्याएको मन्त्रालय कांग्रेस एमालेबीच बाँडफाँट गर्ने र केही राज्यमन्त्री थप्ने तयारी गरेका हुन् ।

प्रधानमन्त्री कोइरालाले सुचना तथा सञ्चार मन्त्री मिनेन्द्र रिजाल र सहरी विकास मन्त्री नारायण खड्काको स्थानमा नयाँ मन्त्री नियुक्तिको तयारी गरेको स्रोतले जनाएको छ । कोइराला संयुक्त राष्ट्र संघको महासभामा भाग लिन शुक्रबार अमेरिकातर्फ प्रस्थान गर्ने छन् । कोइरालाको असोज १७ गते स्वदेशSushil_Koi फर्किने कार्यक्रम छ ।

‘मन्त्रिपरिषदको पुनर्गठनको विषय प्रधानमन्त्रीको स्वविवेकेको विषय हो । त्यसमा अन्य परामर्श गर्ने विषय होइन,’ कानुन मन्त्री नरहरी आचार्यले भने, ‘साना दलका लागि छुट्टाएको मन्त्रालयमा सहमतिका साथ नाम आउन सकेन । हामीले नै दलहरुलाई तोकिनु दिनुपर्ने अवस्था आयो । पहिलो बाँकी रहेको मन्त्रालयलाई दुई दलबीच बाँडफाँट गर्ने विषयमा छलफल भएको छ ।’

शान्ति तथा पुनर्निमाण, विज्ञान, प्रविधि तथा जनसंख्या, सहकारी तथा गरिबी निवारण मन्त्रालयमा साना दलका लागि छुट्टाएर राखिएको थियो । विज्ञान र गरिबी निवारण मन्त्रालय कोइरालासँगै  छ भने शान्ति तथा पुनर्निर्माण मन्त्रालयको जिम्मेवारी आचार्यलाई तोकिएको छ । आचार्य सत्ता साझेदार दल एमालेबाट बाँडफाँटको प्रस्ताव आएको बताए ।

हालको मन्त्री परिषदमा चार राजनीतिक दलका गरि २२ पूर्ण र २ राज्य मन्त्रि गरी २४ सदस्यीय छ ।

प्रतिक्रिया

सम्बन्धित सामाग्री