शनिबार, असोज १० २०७७ | Sat, September 26, 2020
नेपालको समय: २०:४० | UK Time: 15:55

कांग्रेस कार्य समितिको म्याद १ वर्ष थपियो

वीनेपाली
२०७१ भदौ ३० गते २०:०७

नेपाली कांग्रेस केन्द्रीय कार्य समितिले कार्यकाल एक वर्ष थपेको छ । केन्द्रीय कार्यालय सानेपामा सात महिनापछि सोमबार बसेको बैठकले पार्टी विधानमा भएको व्यवस्थाअनुसार एक वर्ष कार्यकाल थपेको कांग्रेसले जारी गरेको विज्ञप्तिमा उल्लेख छ । Congress-flag

बैठकमा सभापति सुशील कोइरालाले कार्यकाल एक वर्ष लम्ब्याउने प्रस्ताव गरेका थिए । बैठकमा वरिष्ठ नेता शेरबहादुर देउवा निकट केन्द्रीय सदस्यले सभापतिसँग म्याद थप्नु पर्ने कारण माग गरेका थिए । ११ औं महाधिवेशनबाट निर्वाचित कांग्रेस कार्यसमितिको समयावधी असोज ५ गतेबाट समाप्त हुँदैछ । तर विधान असाधारण अवस्थामा कार्य समितिको म्याद एक वर्ष थप्न सकिने प्रावधानलाई टेकेर कोइरालाले सो प्रस्ताव गरेका हुन् । बैठकमा देउवा पक्षका सदस्यहरुले कार्यवधी समाप्त हुन लागेको समयमा वैठक राखेर समय थप्ने प्रस्ताव ल्याएको भन्दै असन्तुष्टि जनाएका छन् ।

बैठकमा वरिष्ठ नेता देउवा भने उपस्थित थिएनन् । सभापति कोइरालाले सहमतिअनुसार केन्द्रीय सदस्य थप्दा आफू निकट व्यक्तिलाई नराखेको भन्दै देउवा बैठकमा अनुपस्थित भएका हुन् । कोइरालाले ६ पूर्ण र ६ आमन्त्रित सदस्यको मनोनयन गर्दा देउवा पक्षका २–२ जना दिने भनिए पनि संस्थापनले एकलौटी गरेको भन्दै देउवा असन्तुष्ट छन् । कोइरालाले विधानअनुसार कार्यकाल समाप्त हुनु एक साताअघि विभिन्न नेताहरुलाई केन्द्रीय सदस्यमा मनोनित गरेका हुन् ।

प्रतिक्रिया

सम्बन्धित सामाग्री

फेसबुक