बुधबार, असोज १४ २०७७ | Wed, September 30, 2020
नेपालको समय: ०९:२१ | UK Time: 04:36

भदौ मसान्तमा सर्वपक्षीय सम्मेलन

वीनेपाली
२०७१ भदौ २७ गते १४:३२

नेकपा–माओवादी र संविधानसभाका प्रमुख तीन दलबीच भदौ मसान्तमा सर्वपक्षीय राजनीतिक सम्मेलन गर्ने सहमति भएको छ । सम्मेलनका मिति र प्रक्रिया तय गर्नका लागि गठन गरिएको कार्यदलको शुक्रबार भएको बैठकले भदौ ३१ गते सम्मेलन गर्ने निर्णय गरेको हो ।three_party_flags

संविधानसभा भवन नयाँ बानेश्वरमा सम्मेलन गर्ने सहमति भएको कार्यदलका सदस्य तथा एमाले नेता अग्नी खरेलले जानकारी दिए । कार्यदलमा चार वटै दलका दुई सदस्य रहेका छन् । बैठकमा संविधानसभामा प्रतिनिधित्व गर्ने ३१ दलको सहभागी रहने निश्चित भएको छ । संविधानसभा बाहिर रहेको नेकपा –माओवादीको नेतृत्वमा रहेको गठबन्धनबाट कुन कुन दलको सहभागिता रहने छ भन्ने शििनबारको बैठकमा निर्धारण गरिने भएको छ । दलहरुबीच सम्मेलन कहिले गर्ने भनेर विवाद रहँदै आएको थियो । संविधानको अन्तरबस्तुको बारेमा सहमति गर्न सर्वपक्षीय सम्मेलनको माग गर्दै आएको नेकपा–माओवादीले तयारीका लागि थप समय आवश्यक रहेका भन्दै चाँडोमा असोजको पहिलो साता आयोजना गर्नुपर्ने जोेड दिँदै आएको थियो । तर सत्तारुढ दल नेपाली कांग्रेस र नेकपा(एमाले)ले भने ढिलो सम्मेलन गर्दा कार्यतालिका प्रभावित हुने भन्दै भदौभित्रै सम्मेलन गर्नुपर्नेमा अडान राख्दै आएको थियो । प्रमुख प्रतिपक्षी दल एकीकृत नेकपा माओवादीले ढिलो गर्ने पक्षमा रहेको थियो यसअघि कार्यदल र शीर्ष नेताहरुको बैठकमा सम्मेलनको मितिको विषयमा सहमति जुट्न सकेको थिएन । मितिको विषय निर्णय गर्ने जिम्मेवारी कार्यदलले शीर्ष नेताहरु र शीर्ष नेताहरुले कार्यदल दिने निर्णयको गोलचक्करमा परेको थियो ।

प्रतिक्रिया

सम्बन्धित सामाग्री

फेसबुक