नेपाल प्रेस काउन्सिलले यस वर्ष गोपाल दास पत्रकारिता पुरस्कार पत्रकारिताका प्राध्यापक रामकृष्ण रेग्मीलाई प्रदान गर्ने निर्णय गरेको छ । बुधबार बसेको काउन्सिल बोर्ड बैठकले एक लाख रुपैया नगद भएको सो पुरस्कार रेग्मीलाई दिने निर्णय गरेको हो ।
त्यसैगरी प्रेस काउन्सिली आचार संहिता पुरस्कार सुकेश्वर पाठक, साहित्यिक पत्रकारिता पुरस्कार नयाँ यथार्थ साहित्यिक पत्रिका ईश्वरचन्द्र ज्ञवाली, स्तम्भ लेखन पुरस्कार, श्यामसुन्दर शशी(धनुषा), भाषागत पत्रकारिता पुरस्कार जनआनन्द मिश्र सम्पादक रहेको सप्तरीबाट प्रकाशित हुने मिथिला साप्ताहिकलाई प्रदान गर्ने निर्णय गरेको छ ।
त्यसैगरी महिला सशक्तिकरण पुरस्कार काठमाडौंकी गुष्मा राजभण्डारी र दोलखाकी सन्तोषी कार्की, सशक्त सञ्चारकर्मी पुरस्कार मोरङका विक्रम निरौला र बैतडीको राजेन्द्र नाथ, समावेशी पत्रकारिता पुरस्कार प्रकाश माथेमा, ठाकुरसिंह थारु, सरिता श्रेष्ठ, मनोजकुमार माझी, सञ्जु ब्लोनलाई प्रदान गर्ने भएको छ ।
त्यसैैगरी युवा सशक्तिकरण पुरस्कार ऋषिराम पौडेल, गोमा घिमिरे, लक्ष्मण यादव, सशक्त लेखन पत्रकारिता पुरस्कार गया यादव, लोकराज ढकाल र रामकुमार एलन र क्रियाशील पत्रकारिता पुरस्कार शरद अधिकारी, रमेश लम्साल र नेत्र शाहीलाई प्रदान गर्ने भएको छ । पुरस्कार असोज ६ गते आयोजना हुने वार्षिकोत्सवमा प्रदान गरिने काउन्सिलले जनाएको छ ।
