मंगलबार, असोज १३ २०७७ | Tue, September 29, 2020
नेपालको समय: ००:३६ | UK Time: 19:51

‘देउवा र रामचन्द्रले गुटबन्दी गरे’

वीनेपाली
२०७१ भदौ २३ गते २२:१२

नेपाली कांग्रेसभित्रको विवाद फेरि एक पटक सतहमा छताछुल्ल  देखिएको छ । लामो समयपछि बालुवाटारमा बसेको संसदीय दलको बैठकमा नेपाली कांग्रेसका सभापति समेत रहेका प्रधानमन्त्री सुशील कोइरालाले वरिष्ठ नेता शेरबहादुर देउवा र उप सभापति रामचन्द्र पौडलसँग जंगिदै आफूलाई काम गर्न सहयोग नगरेको आरोप लगाए ।

देउवा निकट रहेका मन्त्रीहरुले नसघाएको आरोप लगाउँदै कुरा शुरु गरेका कोइरालाले डेमोक्रेटिक लयर्स एसोसिएनको असन्तुष्ट पक्षको भेलामा वरिष्ठ नेता देउवा गएको विषयमा आपत्ति जनाएका थिए । उप सभापति पौडेल प्रमुख विभागले आयोजना गरेको विपी विचार यात्रा कार्यक्रम गर्दा आफूलाई एक पटक पनि नसोधिएको भन्दै आक्रोश जनाएका थिए । आफ्नो सम्बोधन गरेपछि काम छ भन्दै कोइराला बाहिरिएका थिए । त्यसपछि बैठकका देउवा निकट सभाषदहरुले सुनाउनु पर्ने व्यक्ति नै बाहिर हिडेको भन्दै हो हल्ला गरेका थिए । बैठकमा वरिष्ठ नेता देउवा र उपसभापति पौडेलले आरोपको खण्डन गर्दै बैठकमा धारणा राखेका थिए ।Sushil_Koi

प्रतिक्रिया

सम्बन्धित सामाग्री

फेसबुक