एसएलसी पूरकमा ६५ प्रतिशत उत्तीर्ण

एसएलसी पुरक परीक्षामा करिब दुई तिहाइ विद्यार्थी पास भएका छन्  । परीक्षा नियन्त्रण कार्यालय सानोठिमीले ६५.२१ प्रतिशत विद्यार्थी उत्तिण भएको जनाएको छ ।
कार्यालयले पूरक परीक्षामा ७८ हजार ४ सय ५३ जना पासर भएको जनाएको छ । २ हजार १ जना प्रथम श्रेणी, ५८ हजार ८६ जना द्वितीय श्रेणी र १७ हजार ३ सय ६६ जना तृतीय श्रेणीमा पास भएका हुन् ।   साउन २० गतेदेखि पूरक परीक्षामा सहभागी १ लाख २० हजार ३ सय १७ विद्यार्थीको सहभागी थिए ।
उत्तीर्णमध्ये ४१ हजार ६ सय २२ छात्रा र ३६ हजार ८ सय ३१ छात्र छन् । परीक्षामा ६५ हजार ३ सय ७८ छात्रा र ५४ हजार ९ सय ३९ छात्र सहभागी थिए । एसएलसी परीक्षामा बढीमा दुई विषयसम्म अनुत्तिर्ण हुनेले पूरक परीक्षाको अवसर पाउँछन् ।