सुनकोशीको ताल फुट्यो, तल्लो तटीय क्षेत्रमा उच्च सतर्कता(फोटोफिचर)

सिन्धुपाल्चोकको मंखा–जुरेमा पहिरो कारण  सुनकोशी नदी बनेको ताल आइतबार बिहान फुटेको छ । गत साउन १७ गते बिहान पहिरो जाँदा १ सय ५० जनाभन्दा बढीको ज्यान गएको थियो ।

ताल फुट्दा तल फुटाउन प्रयोग काममा प्रयोग गरिएको नेपाली सेनाका एउटा मोटर गाडी समेत बगाएको प्रहरीले जनाएको छ ।  यसअघि सेनाले विष्फोटक पदार्थको प्रयोग गरेर पटक पटक बाँध भत्काउने कोशिस गरेको थियो।

 

सुनकोशीका ताल फुटेपछि सरकारले तल्लो तटीय क्षेत्रमा सतर्कता अपनाउन निर्देशन दिएको छ । सुनकोशी नदीमा पानीको बहाव बढेको छ । यो समाचार तयार पर्दासम्म कुनै मानवीय क्षति भएको समाचार छैन । ताल बनेको स्थानमा पानीको सहत घट्न थालेपछि अरनिको राजमार्ग र विद्युत गृह देखिन थालेको स्थानीय बासिन्दाले बताएका छन् ।