सोंपाल समाज यूकेको वार्षिक भेटघाट तथा समर बीबीक्यु कार्यक्रम भव्य रूपमा सम्पन्न

लन्डन १३ जुलाई २०२५ । सोंपाल समाज यूकेको वार्षिक भेटघाट तथा समर बीबीक्यु कार्यक्रम सम्पन्न भएको छ ।

शनिबार १२ जुलाईका दिन लन्डनको ग्रिनफोर्डस्थित पोस्ट अफिस हलमा सम्मान, विभिन्न सांगीतिक कार्यक्रमसहित भेटघाट कार्यक्रम सम्पन्न भएको हो । कार्यक्रमको अध्यक्षता समाजका अध्यक्ष जगदीश गुरुङले गर्नु भएको थियो भने प्रमुख अतिथिको रुपमा ज्येष्ठ नागरिक विष्णुकुमारी गुरुङ उपस्थिति हुनुहुन्थ्यो ।

कार्यक्रममा अभिनन्दको क्रममा विवाह बन्धनमा बाँधिएका जोडीहरू, नयाँ घर खरिद गर्नेहरु, पदोन्नति, बाल बच्चा जन्मिएका, शिक्षासम्बन्धी आदि विषयहरूमा प्रगति गर्ने सदस्य र उनीहरु छोराछोरीहरुलाई प्रमुख अतिथि, समाजका अध्यक्ष, आमा अध्यक्षले खादा, फूल, फेटा लगाइदिएर सम्मान, बधाई दिनुभएको थियो ।

औपचारिक कार्यक्रमपश्चात् बाहिर मैदानमा विभिन्न खेलकुद कार्यक्रम राखिएको थियो । खेलकुद सचिव भिमबहादुर गुरुङद्वारा सञ्चालित खेलहरुमा चम्चा रेस, युवाहरूका लागि १०० मिटर रेस, हेन्ड सिग्नल, लेडिजहरुका लागि म्युजिकल चेयर, पुरुषहरुका लागि छेलो फाल्ने रहेका थिए । अन्तिम खेल फुटबलमा लन्डनभित्र र लन्डन बाहिरको टिमहरुबीच रोमाञ्चक भिडन्त भएको थियो । लन्डन टिम विजेता बनेको थियो र सोपाल समाज यूकेले रनिङ्ग कप उचालेको थियो ।

उक्त कार्यक्रम सांस्कृतिक सचिव सिर्जना गुरुङले आकर्षक तरिकाले सञ्चालन गर्नुभएको थियो । सुरुमा स्थानीय युवा कलाकारहरुलाई मञ्च प्रदान गरिएको थियो । संस्थापक उपाध्यक्ष पार्वती गुरुङ तथा जुम बहादुर गुरुङका नातिनी सारंगी गुरुङद्वारा उत्कृष्ट नाच कला प्रस्तुत गर्नुभएको थियो भने सबैले अति मन पराए । यस्तै सदस्य सुजन गुरुङले सुमधुर आवाजमा मिठो गीत प्रस्तुत गर्नुभएको थियो भने उहाँकै दिदीहरूद्वय दिपा र युद्धाबाट उत्कृष्ट नाच प्रदर्शन भएको थियो । सोपाल समाजका सदस्य राजेन्द्र गुरुङकी छोरी जेनी गुरुङको एकल गीत प्रस्तुति सुन्नलायक थियो । सानै उमेरमा पनि त्यो प्रतिभा देखेर सबैले स्याबासी दिनुभएको थियो ।

राष्ट्रिय कलाकारहरुलाई समाजका अध्यक्ष जगदीश गुरुङ तथा आमा अध्यक्ष मनदेवी गुरुङ साथै संयोजक कमला गुरुङबाट प्रशंसापत्रद्वारा सम्मान गरियका थियो ।

कार्यक्रममा गायक कृष्णबहादुर रेउले र गायिका पवित्रा गुरुङले दमदार सांगीतिक प्रस्तुति दिएर उपस्थित दर्शकहरूलाई भरपूर मनोरञ्जन प्रदान गर्नुभएको थियो । गीत–संगीतका साथसाथै स्पोर्ट्स सेक्रेटरी भीमबहादुर गुरुङको संयोजनमा विभिन्न मनोरञ्जनात्मक खेलहरू आयोजना गरिएका थिए । जसमा सहभागीहरूले उत्साहपूर्वक भाग लिएका थिए ।

कार्यक्रममा समाजका पूर्वअध्यक्षहरू, ट्रस्टीज सदस्यहरू, सल्लाहकारहरू, कार्यसमिति सदस्यहरू, आमा समूह, युवा वर्गलगायत धेरै सदस्यहरूको सक्रिय सहभागिता रहेको थियो ।

कार्यक्रम संयोजकको रूपमा उपाध्यक्ष (आमा समूह) कमला गुरुङले महत्वपूर्ण भूमिका निर्वाह गर्नुभएको थियो । कार्यक्रम सफलतापूर्वक सम्पन्न भएकोमा आयोजकहरूले सम्पूर्ण सहभागीहरूलाई धन्यवाद ज्ञापन गरेका छन् ।

सोंपाल समाज यूकेको यो कार्यक्रमले आपसी भेटघाट, सद्भाव र एकताको सन्देश प्रवाह गर्नुका साथै नयाँ पुस्तालाई समुदायप्रति थप जिम्मेवार बनाउने लक्ष्य बोकेको आयोजक समितिले जनाएको छ।

कार्यक्रम महासचिव क्या. मोहन गुरुङले सञ्चालन गर्नुभएको थियो भने स्वास्थ्य सुरक्षासम्बन्धी जानकारी स्वास्थ्य सचिव चन्द्रबहादुर गुरुङले गराउनुभएको थियो । अध्यक्ष जगदीश गुरुङले कार्यक्रम सफल पारिदिएकोमा सबैलाई धन्यवाद भन्दै अर्को साल भेट्ने वाचासहित कार्यक्रम समापन भएको घोषणा गर्नुभएको थियो ।