बेलायतका पूर्वप्रधानमन्त्री सुनक गोल्डम्यान स्यास समूहको वरिष्ठ सल्लाहकारमा नियुक्त

लन्डन । बेलायतका पूर्वप्रधानमन्त्री ऋषि सुनकलाई अमेरिकी बहुर्राष्ट्रिय बैंक गोल्डम्यान स्यास समूहले वरिष्ठ सल्लाहकारका रूपमा नियुक्त गरेको छ । उहाँले यसअघि पनि सो संस्थामा विभिन्न पदमा कार्यभार सम्हाल्नुभएको थियो ।

वर्तमान भूराजनीतिक तथा नियामकीय अनिश्चितताबीच बैंकहरूले अनुभवी नीति निर्माताहरूलाई आफ्नो टोलीमा समावेश गर्न थालेका छन् । यसै सन्दर्भमा, गोल्डम्यानले सुनकलाई पुनः आबद्ध गरेको हो ।

सन् २०२२ को अक्टोबरदेखि सन् २०२४ को जुलाईसम्म बेलायतका प्रधानमन्त्रीको जिम्मेवारी वहन गर्नुभएका सुनक भारतीय मूलका हुनुहुन्छ । वाल स्ट्रिट बैंकमा दुई दशकको अनुभवपछि उहाँ पुनः गोल्डम्यानमा आबद्ध हुनुभएको हो ।

गोल्डम्यान स्यासका प्रमुख कार्यकारी अधिकृत (सीईओ) श्री डेभिड सोलोमनज्यूले विज्ञप्ति जारी गरी, सुनकले विश्वभरका ग्राहकहरूलाई महत्त्वपूर्ण विषयहरूमा सल्लाह दिने र उहाँको अद्वितीय दृष्टिकोणले समष्टिगत आर्थिक तथा भूराजनीतिक परिप्रेक्ष्यलाई उजागर गर्ने विश्वास व्यक्त गर्नुभएको छ ।