पशुपति विकास कोषका सदस्यसचिवविरुद्ध भ्रष्टाचारको मुद्दा

काठमाडौँ । अख्तियार दुरुपयोग अनुसन्धान आयोगले पशुपति क्षेत्र विकास कोषका तत्कालीन सदस्यसचिव डा प्रदीप ढकाल र तत्कालीन कोषाध्यक्ष एवम् हालका सदस्यसचिव डा मिलनकुमार थापा समेत तीन जनाविरुद्ध विशेष अदालतमा मुद्दा दायर गरेको छ ।
सार्वजनिक सम्पत्तिमा हानी नोक्सानी गरी भ्रष्टाचार गरेको अभियोगमा आज आयोगले विशेष अदालतमा मुद्दा दायर गरिएको आयोगका प्रवक्ता भोला दाहालले जानकारी दिनुभयो ।
उनीहरुमाथि पशुपतिमा जलहरी लगाउँदा भ्रष्टाचार गरेको यसअघि पनि आरोप लाग्दै आएको थियो । संसदीय समितिमा यससम्बन्धी छलफलमा सदस्यसचिव थापाले भ्रष्टाचार नगरेको भन्दै रोएका पनि थिए । तर अख्तियारले गरेको छानविनमा भने उनी दोषी पाइएपछि मुद्दा दायर भएको हो ।