नेपाली र नर्वेजियन आरोहीले तोडे निर्मल पुर्जाको कीर्तिमान

काठमाडौँ । नर्वेकी आरोही क्रिस्टिन हरिला र नेपाली गाइड तेन्जेन (लामा) शेर्पाले तीन महिनामा विश्वका आठ हजार मिटरभन्दा अग्ला सबै हिमालको आरोहण गरी निर्मल पुर्जाको कीर्तिमान तोडेका छन् ।
उनीहरुले आज अन्तिम हिमाल पाकिस्तानको केटु हिमाल ब्रोडपिक (८,६११ मिटर) को बिहान १०ः ४५ बजे सफल आरोहण गरी सो रेकर्ड कायम गरेका हुन् ।
उक्त हिमालको सफल आरोहणसँगै क्रिष्टिन र तेन्जेनले विश्वका आठ हजार मिटरभन्दा अग्ला १४ वटा हिमालहरु तीन महिनामा सफल आरोहण गर्नुभएको आरोहणको ब्यबस्थापक कम्पनी समिट नेपाल ट्रेक्सले जानकारी दिएको छ ।
यसअघि नेपाली मूलका बेलायती आरोही निर्मल पूर्जाले सन् २०१९ मा छ महिना छ दिनमा ती हिमालहरुको आरोहण गरी विश्व कीर्तिमान कायम गरेका थिए । चार वर्षमै सो कीर्तिमान तोडिएको छ ।
हरिला र शेर्पाले आठ हजार मिटरभन्दा अग्ला १४ बाट हिमाल चार महिनाभित्रै आरोहण गर्ने लक्ष्य राखेकोमा ९२ दिनमा पूरा गरेका छन् ।
हरिला यसअघि विश्वका आठ हजार मिटरभन्दा अग्ला १४ वटा हिमाल एक वर्ष पाँच दिनमा सफल आरोहण गरी सबैभन्दा छिटो आरोहण गर्ने पहिलो महिला आरोही बनेकी थिइन् ।