मिस्टर नेपाल सानु गुरुङ लन्डन आइपुगे

लन्डन । मिस्टर नेपाल सानु गुरुङ आगामी १९ जुलाईमा फार्नवोरोमा हुन गइरहेको तेश्रो मिस्टर यूके नेपाल बडी बिल्डिङ च्याम्पियसनसीपका प्रतिष्पर्धीलाई तालिम दिन लन्डन आइपुगेका छन् ।

उनी नेपालबाट हङकङ हुदै शनिवार बिहान साढे ७ बजे हिथ्रो टर्मिनल फोरमा उत्रिएका हुन् । उनले प्रतियोगिता शुरु हुनु अघिसम्म प्रतियोगीलाई प्रशिक्षण 
दिनेछन् । यसपटक उक्त च्याम्पियनसीपका लागि हालसम्म १२ जनाले नाम दर्ता गराएका छन् । इच्छुकलाई ३१ मेसम्म समयसीमा तोकिएको आयोजक यूके नेपाल फेडेरेसन अफ बडी बिल्डिङ एण्ड फिटनेशका अध्यक्ष भीम (महेन्द्र) गुरुङले जनाए ।

प्रतियोगिताबारे छलफल गर्न आयोजकहरुको बैठक आज निरमाया रोधीघरमा बस्ने भएको छ ।